1
Mateo 27:46
Diossen joi jatíxonbi onanti joi
Ja yantanpake moa kimisha hora ikí kaitianra, kikinbires koshin Jesús sai ika iki: “Elí, Elí, ¿Lama sabactani?” iki. (Ja iki: “Diossé, nokon Diossé, ¿Jaweatiki min ea potaapanon?”) iki iká.
Compare
Explore Mateo 27:46
2
Mateo 27:51-52
Ja jaskatatianbira Diossen xobo meran iká, jan nachitea chopa, bochikiax namani noshita iki, mairibi shakota iki, itan shankaboribi kaxketa iki. Mawá miinkana kiniboribi kepenmeeta iki. Jatianra icha jakon joni mawániboribi jiria iki.
Explore Mateo 27:51-52
3
Mateo 27:50
Jaskákenbi, Jesús jakiribi koshin saí itaanan, moa jatianbi maxkaa iki.
Explore Mateo 27:50
4
Mateo 27:54
Ja capitán betan jabé iká sontárobora, Jesussen yora koirani iikanainbi niwanman aká, itan meskóbo ikaitian oinnax, ikonbiresi rateti ikana iki neskati: —¡Ikonra iká iki, nato joni Diossen bake! —ikibo.
Explore Mateo 27:54
5
Mateo 27:45
Jatian moa bariapan iketianra, ja main jatíbiain yameta iki; yantanpake kimisha hora kaman.
Explore Mateo 27:45
6
Mateo 27:22-23
Jaskáakana, Pilaton jato aríbaa iki: —¿Jatian ja Cristo akin maton akai Jesúski en jaweati iki? —akin. Jato jaskáa jatíxonbi yoikana iki: —Korosen awé —akin. Jatian Pilaton jato yokata iki: —¿Jawe jakonma akákayarin? —akin. Jato jaskáabi, korosen awé ikires koshin saa ikana iki.
Explore Mateo 27:22-23
Home
Bible
Plans
Videos