Popular Bible Verses from Lucas 6

Share

Ba mo ta gbe daba na chudaboi lle kete amage, ene Chube be age kaire ba ole, ba me lle kete sidri alin allabi dabage, ba lle ketadale ngle. Ba kle arogba kete dabage ba arogba ñachuge no gdege, ba gde dage dbige alin, ene arogba chke kejre gdege arogba chke ete ete gdege. Ba lle kete dabage ene kare, ene Chube be age kaire ba ole. Ba lle kete mangire batre dabage Chube lle keteni kaire mangire batre bage.

Ene kaire kwian ta no ama age no ama gerule no, kwian ta me no gerule me no, kwian kle tañachuge mo tale kaire kle gerule ama kle tañachuge kare.

Ba me ñage tañachuge kwian ulita tañachuge kare, ba tañachugadale nganake. Ba mo ta dbadale no mo dolla ole age no ama alin diali. Ama lle gweale kade sugeti bage ba lle ketadale me tañachuge lle e gaini naskuni. Ba mo ta dbe ene mo dolla ole, bdagli nga ngaña giti Chube be lle noare kete bage age no ene ñanale, ba age ene ba kle age ba Ñenua Chube takalin kare, ulia ba Chube olia. Chube kweri, ama noare ulita, ama age no kwian ulita alin, me age no kwian no alin allabi, agwa kaire ama age no kwian me no alin, kwian me Chube uñe ni gerule no Chube ole Chube kle age no ama alin.

Chube tai dage kwian ulitage, ene kaire ba taidale dage no kwian ulitage Chube kle age kare.

Jesu gerudu dare kwian ulita ole: —Me no mo ta dbe tañachuge ba alin allabi kle age no Chube gwa giti gerule daba nadi daba me no Chube gwa giti, me no mo ta dbe daba gbe jiske diali lle gweale giti, ba ta daba gbakalin jiske ene diali ta me no ole, ene kaire Chube be ba gbe jiske. Daba na age gweale me no ba ole ba talla e mlienga, ene kaire Chube be ba age me no Chube dollale talla mlienga.

Jesu gerudu dare: —Ba ulita kle aini cha keruchuge, cha gerule ba ulita ole, ba mo ta dbadale no mo dolla ole, kwian kle jainchke badi, kwian ene alin ba agedale no. Kwian kle ba oña boi me no, kwian ene ole ba gerudale: “Cha takalin Chube age no ba alin.” Kwian kle ba ta gbe olire kle gerule me no bage, kwian ene giti ba gerudale Chube ole.

Ba takalin kwian na ulita age no ba alin, kaire ba mo ta gbadale age no ngeru kwian na ulita alin.

Kwian ba bate gwage ba gwa ongoru gbadale kwiange batadale. Kwian camisa badige jwennga dbadale, kwian ene ole ba gerudale: “Ba takalin cha llea na gweale dbe kaire ba ñage.” Kwian lle gweale kade bage, ba lle ketadale kwian enege. Kwian ba llea gweale jwennga dbadale, ba me lle e kadeni kwian enege.

Jesu geru na ñachugu kwian ulita alin, Jesu gerudu: —Gli no me ñage gbachie me no, gli me no me ñage gbachie no.

Gli kaire kaire chke uñale nate gba giti, drinkin me gbachie higogba kare, idongi me gbachie uvagba kare.