Popular Bible Verses from 1 Pedro 3

Share

ma no ba kle boi daga ngwaleske ba mo ta gbadale diali Cristo gai dage mo Chugagwallale. Kwian agenga me no ba ole, kaire kwian na geru kade bage ba kle Cristo gai giti, kwian ene kalen ba ulita mo ta gbadale biale jainnga no trate ta no ole Cristo giti. Ba ulita Cristonu mo ta gbadale toi no trate Chube takalin kare diali, ene be suge trate trate ba tale ba kle age no Chube takalin kare ba me jiske Chube gwage, ene kwian agenga me no ba ole gerule me no badi ba kle age no giti gire be suge kwian na tanrege kwian kle gerule me no badi kle sole, gire bdagli kwian kle gerule ene badi be ibule tanre mi gerule dare me no badi.

Kwian agenga no Chube gwage Chube takalin kare, Chube kle kwian ene manade no, kwian ene kle chudaboi kade Chubege, Chube kle ama keruchuge. Agwa kwian agenga me no Chube gwage, Chube skochie kwian ene ole, Chube ji gbe kwian alin kwian age me no gdale, kwian ene me kle age Chube takalin kare.” Chube gerua degaba unsuialin gerule ene.

Ba muinga ulita Chubenu me tañachugale mo dodade no trate alin giti mo ñengula gwa giti ene ba tañachuge ama be no ba ole be ba keruchuge gerule Chube giti. Ba mo dodade no trate lle tanre kwangle giti, lle chrachienga no kwangle takalinge mo dodagda, mo chuga dodade no, mo chugaga lite no, ñometra kwangle no mo ngama tkagda, ulita mo dodade no trate, mo dodade no ene alin giti ba me tañachugadale ene ba ñengula be no ba ole be ba keruchuge gerule Chube giti be Chube gai ulia, me ene. Ma no ba ulita muinga Chubenu mo ta gbadale tañachuge mo talla kle mine Chube ole, ba mo ta gbadale no trate age no diali me mo ta dbe skochie, agwa ma no mo ta gbe toi no taingwli mo ñengula ole, ba mo ta dbe no ene ta e mi jogenga, ta ene chege diali chui tangle e no ulita Chube gwa giti. Toi ta ene ole mo ñengula ole, ene ba giti ñage suge mo ñengulage Chube gerua no Chube gerua ulia ene ba ñengula ñage Chube gai ulia mo alin.

Chube gerua degaba unsuialin gerule ene: “Kwian ta toikalin no nga suga no ole chui gdale, kwian ene mo ta gbadale me gerule sidri me no me gerudale sole. Ma no mo ta gbadale joge siere age me noge mo ta gbadale age no mo ta gbadale toi no taingwli daba na ulita ole diali gwangerugu.

Cha gerule ba Chubenu ulita ole, ba ulita mo ta gbadale tañachuge salengwli daba Chubenu na ulita ole kwian gdaitre alin kare ta dbe toi no modi, ba ulita ta sugedale salengwli ulita, ba ulita nodale mo bitalla Jesucristo giti ole, ba ulita mo ta dbadale no no age no daba na alin daba na gai ma kweri moge. Daba na age me no ba ole ba me agedale me no ama ole ama age kare, ma no ba age no ama ole. Daba na kira bate ka boi me no ba ole ba me kira bate ka boi gwangoguda ama kle age kare, ma no ba gerule no ama ole ba age no ama alin Chube agedu no ba alin kare. Chube ba gau mo alin agedale no, Chube takalin ba age no daba na ulita ole me tañachuge daba kle age no o kle age me no ba ole, ba agedale no diali daba ulita ole, ene Chube be age no ba alin.

¿Chema ñage age me no me no ba ole ba ulita kle mo ta gbe diali age no Chube takalin kare? Ba kle age no giti kwian me ñage age me no ba ole.

Ma no mo ta gbadale joge siere age me noge mo ta gbadale age no mo ta gbadale toi no taingwli daba na ulita ole diali gwangerugu.

Boi daga ngwale daba na kote age no giti, e no, e ñanaske Chube gwage, agwa boi daga ngwale age me no gdale daba na kote, e me salengwli age no giti kare. Chube takalin che boi ene daga ngwale age no giti daba na kote che boidale, che me talladale boi age no giti, che mo ta gbadale age diali no ngerugu.