Popular Bible Verses from Romanos 6

Share

Jusalikuyqa wanuymanmi apamansi. Señorninsi Jesucristo noqansi rayku wanush kaptinmi Tayta Dios dembaldila salvamansi nawpancho imayyaqpis kawanansipaq.

Manami Tayta Diospa leyninkunata cumpliyashqaykiman yärakursu salvakuyanki, saypa trukanqa kuyapäkuq kayninman yärakurmi. Sayno karqa manami jusalikuypa munayninchönasu kaykäyanki.

Bautizakushqansi hörami Jesucristuwan pampakuykaqno kashkansi. Saypitanami Jesucristuta Tayta Dios munayninwan kawarisimushqanno noqansitapis mushuq kawayta qomashkansi.

Lutan ruraykunamanpis ama jatikäyaysu. Wanuyashqaykipita kawarimushnöna kaykarqa Tayta Diospa makinchöna kawayay. Intëru cuerpuykipis Tayta Dioslapaqna kasun.

Shumaq tantiyakushun. Unay kawayninsiqa Jesucristuwan cruzcho wanushnami kaykan. Saymi kananqa jusalikuypa munayninchönasu kaykansi.

Saynöla qamkunapis jusalikuypaq wanushnöna kayay. Kananqa [Señorninsi] Jesucristucho kayashpayki Tayta Dios munashqanno kawayay.

Sayno kaptinqa Tayta Dios mas kuyapämänansipaq ¿jusalikursuraq kawashun? ¡Manami! Noqansiqa jusalikuypaq wanushnönami kaykansi. Sayno kaykarqa ¿imanöparaq jusalikur kawaykushwan?

Jusalikular kawashqaqa jusalikuymi patronninsi rikakun. Ashmayninta lapan munashqanta patrón rurasishqannömi jusalikuypis patronninsi kar munashqanta rurasimansi. Sayno kawarqa castïgumanmi aywaykansi. Patronninsi Tayta Dios kaptinmi isanqa salvakunsi.

Nawpataqa jusalikuymi qamkunapapis patronniki karqan. Kananqa Jesucristupa wilakuyninta lapan shonquykiwan chaskikush karmi Jesucristupa munayninchöna kaykäyanki. Saymi Tayta Diosta agradëcikü. Jusalikuypa munayninpita librina kayashpaykimi Tayta Dios munashqanta ruralarna kawaykäyanki.