Popular Bible Verses from Romanos 3

Share

Lapan runakuna jusayuq karmi Tayta Diospa nawpanman chayta kamäpakuyansu. Sayno kaykashqapis Jesucristo rantimashqami Tayta Dios kuyapäkuq kashpan perdonamansi.

Jesucristuman yärakushqami Tayta Dios perdonamashpansi pï kaptinsipis salvamansi.

Sayno perdonamansi Jesucristuman yärakuptinsimi. Paymi noqansi rayku sacrificiu kar yawarninta jicharqan. Saynöpami Tayta Dios musyasimansi ali juzgaq juez kashqanta. Unaypitana runakuna jusayuq kayaptinpis Tayta Dios manami castigarqansu. Sayno castigarqansu runakunapa trukan Jesucristuta cruzcho castigananpaq karmi. Saynöpami tantiyasimansi ali juzgaq juez kashqanta y Jesucristuman yärakuqkunata perdonashqanta.

Tayta Diospa leyninkunata cumplishqanwanqa manami pipis jusankunapita perdonashsu kanqa. Tayta Diospa leyninkunaqa manami salvamänansipaqsu kaykan, saypa trukanqa jusayuq kashqansita tantiyasimänansipaqmi.

Tayta Diospa palabranchöpis kaynömi qelqaraykan: <<Manami juklaylapis jusaynaqqa kansu. Pipis manami tantiyakunsu. Pipis manami Tayta Diosta ashinsu. Lapanmi jusalikuyan. Lapanpis lutantami ruraykäyan. Pipis manami kansu alita ruraqqa. Ni juklaylapis manami kansu.

Saymi nï: Manami leyninkunata cumplishqansipitasu Tayta Dios salvamashkansi, saypa trukanqa Jesucristuman yärakushqansipitami.

Ama sayno yarpäshunsu. Runakuna lula kayaptinpis Tayta Diosqa lapan promitishqankunata cumplinmi. Tayta Diospa palabranchöpis kaynömi qelqaraykan: <<Nishqaykita cumplirmi conviëniqcho juzgaykämanki. Juzgamaptiki imano sapakuytapis manami kamäpaküsu>>.