Popular Bible Verses from Apocalípsis 8

Share

Röllucho qanchis kaq laqaraykaq cërata Carnish jorquriptinmi jana pasacho pulan hörano pipis parlakurqansu.

Punta kaq ángel cornëtata tukamuptinmi ninawan yawar talush runtu tamya pasaman tamyarqan. Saywanmi cäsi pulan pasa rupar ushakarqan. Say runtu tamya chashqan kaqqa jachapis qewapis lapanmi ushakäyarqan.

Saypitanami rikarqä juk anka junaqpa tumaykaqta. Say hörami wiyarqä say anka sinchipa kayno nimuqta: <<¡Wawalaw, wawalaw, wawalaw! Pasacho kawaqkuna ¡imanöraq kayanqa! ¡Kimsaraqmi angilkuna cornëtata tukayämunan pishin!>>

Saypita ishkay kaq ángel cornëtata tukamuptinmi jatunkaray jirkano rupaykar lamarman kuchparqan. Saymi cäsi pulan lamar yawarman tikrarqan.

Kimsa kaq ángel cornëtata tukamuptinmi jatunkaray rupaykaq qoyllar shikwamurqan. Say qoyllarmi cäsi pulan mayukunaman y cäsi pulan pukyukunaman charqan. Qoyllarpa jutinmi karqan Ayaq. Ayaq kaptinmi say qoyllar chashqan kaq yakuqa ayaq rikakurqan. Say yakuta upuq kaqkunaqa saysikami wanuyarqan.

Chusku kaq ángel cornëtata tukamuptinmi intipis killapis qeshyarqan. Saymi intipis ni killapis shumaq asikyarqannasu. Saynölami cäsi pulan qoyllarkunapis chipipïyarqannasu.