Popular Bible Verses from Lucas 5

Share

Yachasiyta ushaskirnami Simónta nirqan: <<Kananqa mas chawpi niraqmanna büquikita apaykur pescädukunata sariyämunaykipaq rednikita jitayay>>.

Sayno niptinmi Simón nirqan: <<Taytay, warati pescaykarpis manami ni juklaylatapis sariyashkäsu. Imano kaptinpis nikämaptikiqa mä rednïkunata yapay jitayäshaq>>. Sayno nishpan jitarmi redninpis rachinashqanyaq saysika pescädukunata sariyarqan.

Jesúsqa sunyaqninman aywaykurmi imaypis Tayta Diosta manakuq.

Noqa manami jusaynaq runakunamansu shamushkä, saypa trukanqa jusalikuyta wanakuyänanpaq jusasapa runakunamanmi>>.

Sayta rikaykurmi Simón Pedro Jesúspa nawpanman qonqurpakuykur nirqan: <<Taytay, nawpäpita witikulay. Jusasapa runami kä>>.

Saymi Jesús nirqan: <<Sänu kaqkunaqa manami mëdicuta nistäyansu, sinöqa qeshyaykaqkunalami.

Sayno niptinmi büquinkunata sakiman jipiskir lapanta saycho kachariykuyashpan Jesúswan aywayarqan.

Juk markacho Jesús kaykaptinmi leprawan fiyupa qeshyaykaq runa charqan. Jesústa rikaykurmi urkunpis pasaman töpashqanyaq qonqurpakuykur nirqan: <<Taytay, voluntäniki kaptinqa aliyaykasilämay>>. Sayno ruwakuptinmi Jesús yataykur nirqan: <<Aliyash kanaykita munämi>>. Sayno niptinmi jinan höra aliyaskirqan.

<<Ama wilakunkisu>> nikaptinpis maysaychömi runakuna musyayarqan. Saymi saysika shuntakäyarqan yachasishqankunata wiyayänanpaq y qeshyaykashqanpitapis aliyäsinanpaq.