Popular Bible Verses from Génesis 17

Share

Abram esqun chunka esqun (99) watayuq kaykaptinmi TAYTA DIOS yuriparkur nirqan: <<Noqami kaykä El-Shaddai. Nishqäkunata cäsukur mana jusalikuypa imaypis kaway.

Kananpitaqa manami Abramnasu jutiki kanqa, sinöqa Abrahamnami. Sayno jutiki kanqa aska nación runakunapa taytan kanaykipaq churash kaptïmi.

<<Kay pactuqa manami qamlapaqsu kanqa, sinöqa surikikunapaq, wilkaykikunapaq, shurukta wilkaykikunapaq y paykunapita mas miraqkunapaqwanmi. Kay pactutaqa imaypis cumplishaqmi. Qampa Diosniki kaykashqänölami qampita miraqkunapapis Diosnin kashaq.

<<Pactu rurashqäta cumplirmi aska nación runakunapa taytan kanaykipaq churashayki.

Sayno niptinmi Tayta Dios nirqan: <<Manami Ismaelpaqsu nikä, sinöqa warmiki Saracho yurinanpaq kaq surikipaqmi. Say surikipa jutinmi kanqa Isaac. Pactu rurashqäqa Isaacpaq y paypita miraqkunapaqmi imayyaqpis kanqa.

Qorpanöla taykashqayki Canaáncho kaq markakunatami entregashayki. Saynölami qampita miraqkunatapis qoykushaq imayyaqpis saycho täyänanpaq. Qampita miraqkunapa Diosninmi imaypis kaykäshaq>>.

Tayta Dios sayno niptinmi Abraham yapay lätakuykur shonqulancho asikushpan nirqan: <<Pachak (100) watayuq runaqa ¿imanöpanashi surïküman? Sarapis esqun chunka (90) watayuqna kaykarqa ¡imanöpanashi qeshyaq tukunman!>>

Saypitanami Abrahamta Tayta Dios nirqan: <<Kananpitaqa warmikipa jutin manami Sarainasu kanqa, sinöqa Saranami.

Señalakuyashpayki penqaynikikunapa puntan qaranta kusuriyanki. Sayno señalakurmi pactu rurashqäta chaskiyanki.

Pactu rurashqämi isanqa Saracho yuriq suriki Isaacpaq kanqa. Watan kananno wisanqa wawayuqnami Sara puriykanqa>>.

Kananpita olqu yuriq kaqtaqa yurishqanpita puwaq junaqlata penqayninta señalayanki. Makikicho yuriqkunatapis juklä nacionpita ashmaynikipaq rantishqayki runakunatapis saynöla señalayanki. Pactu rurashqäta imaypis yarparäyänaykipaq lapayki mana qonqaypa señalakuyanki.