Popular Bible Verses from Hechos 1

Share

Sayno kaptinpis Espíritu Santu qamkunaman shamuptinmi poderninta chaskiyanki. Chaskiskirnami wilakuynïta wilakuyanki Jerusaléncho, intëru Judeacho, Samariacho y maysay markakunachöpis>>.

Sayno tapuyaptinmi Jesús nirqan: <<Manami saykunata musyayänaykisu. Imay junaq imay höra sayno kananpaq kashqantaqa Tayta Dioslami musyan. Paymi munayyuq kaykan munashqan höra sayta kamakäsinanpaq.

Apostolninkunawan kaykashpanmi Jesús nirqan: <<Qamkunata wilashqänömi promitiyäshushqaykita Taytä kachamunqa. Sayta manaraq chaskirqa Jerusalénpita amaraq aywakuyankiraqsu. Juanqa yakulawanmi bautizarqan. Qamkunami isanqa Espíritu Santuwan bautizash kayanki. Bautizash kayänaykipaq walka junaqlanami pishiykan>>.

Wanushqanpita kawarirkamur chusku chunka (40) junaqyaqmi paykunata yuriparqan. Rasunpaypa kawaykashqanta criyiyänanpaqmi tukuynöpa tantiyasirqan. Saynölami Tayta Dios mandaykashqanpitapis shumaq tantiyasirqan.

Sayno parlayta ushaskirmi joqarikayta qalaykurqan. Rikaraykäyaptinmi pukutay sapaskiptin elaqaskirqan.

Jana pasapa nukiraykäyaptinmi yuraq mödanash ishkay runakuna elaqpita yuripaskir niyarqan: <<Galilea runakuna, ¿imanirtaq jana pasapa rikaraykäyanki? Nawpaykikunapita jana pasaman aywakushqannölami Jesús yapay kutimunqa>>.