Popular Bible Verses from Mateo 5

Share

Mahuë sa̱'nahuëna nëcoja̱'coni toaje̱ tsë̱oma'cohua'i a'ë. Coa ai jerepa huë'e pa'icohua'ire miacaija̱'coni ti̱ñarepa nëcocohua'i a'ë. Ja̱je mësaruje̱ ti̱ñarepa pa̱ire miacaicohua'i pa'ijë̱'ë. Ja̱je pa'ijëna, pa̱ije mësaru de'oye pa'iyere ñajë mësaru ja'quë ma'tëmo pa'iquëre ja̱ohua'ije̱ sihuajë de'oquë api, caja̱'cohua'ire.

Mësaru toaje̱ pa'iohua'i pa'iyë, yecohua'ire miacaiye iye yeja pa'ini. Pa̱i daripëpi ai cu̱tihuëre pa'ini peoji, catiye.

De'o joyo hue'ecohua'i cato sihuacohua'i pa'iyë, Maija'quëre ñaja'cohua'ipi.

Sihuacohua'i pa'iyë, nuñere pare yo'oñu'u cajë a̱o ëa ju̱'iñeje pa'ye cui'ne oco ëa ju̱'iñeje pa'ye nuñerepa yo'oyere yëcohua'i cato. Ja̱je pa'ina, Maija'quëpi co̱caina, de'hue yo'o ti̱'aja'cohua'i a'ë, i̱ohua'i yëye.

Ja̱je pa'iquëta'are yë'ëpi cayë, mësarute. Oijë̱'ë, mësarute sa̱ñope yo'ocohua'ire. Mësarute co'aye cacohua'ire, de'oye pa'i ja̱'ñere cacaijë̱'ë, mësarute coecohua'ire de'oye yo'ojë̱'ë cui'ne mësarute tea ju̱'ijë cui'ne co'aye yo'ocohua'ire oijë Maija'quëre se̱cacaijë̱'ë.

“Joyo pa'iye caraji cajë asacohua'ipi sihuacohua'i pa'iyë, Ma'tëmo i̱ohua'i tse̱co pa'iye sëte.

De'oye jo'cua pa'iyere cajë ai yo'ocohua'i cato sihuacohua'i pa'iyë, Maija'quë mamajërepa pa'ija̱'cohua'ipi.

Oicohua'ipi sihuacohua'i pa'iyë, Maija'quëpi i̱ohua'i oiyere ne de'huacaija̱'quëni.

Maija'quë yëyere yo'ojëna, yecohua'ipi sa̱ñope jo̱sa yo'ojëna, ai yo'ocohua'i cato sihuacohua'i pa'iyë, ma'tëmo i̱ohua'i tse̱co pa'iye sëte.

Ai yo'ocohua'ire oijë co̱caicohua'ipi sihuacohua'i pa'iyë, i̱ohua'ireje̱ Diusupi oi ñaquë co̱caija̱'quëni.

Mësarute pa̱ipi co'acohua'i a'ë cajë, co'aye yo'ojë, cosojë sa̱ñope cacohua'i pa'ito sihuacohua'i pa'iyë, yë'ë do'ire ca cua̱ñojë. Ai yo'osicohua'i cato jaiye ma'tëmona de'huacaisi co'amaña payë. Ja̱je pa'ito ai sihuajë de'oye pa'ijë̱'ë, co'a ju̱'iñe peoyerepa, yure mësarute yo'oyeje̱ pa'ye Maija'quëre tsoe quëacaicohua'ireje̱ sa̱ñope yo'ojë pa'a̱huë'ë.

Teaye pa'i a'ë cuasa joyo hue'ecohua'i maña sihuacohua'i pa'iyë, Maija'quë ca nëosi yejare pa'ija̱'cohua'ipi.

Mësaru a'ë, a̱sije̱ pa'iohua'i, iye yeja pa'ini. Ja̱je pa'iohua'ita'a sa̱i ja̱'ñere caraja̱isicohua'i pani co̱caiye peoji. Ja̱je pa'ina, ti co̱caiye peocore yejana je̱ocoye pa'iji, pa̱ipi tsa'cujëna, u̱ija'core.

Nuñerepa de'oye yo'ocohua'i pa'ijë̱'ë, mësaru ja'quë nuñe yo'oquë ma'tëmo pa'iquëje̱ pa'iohua'i.

Coa te'e nuñe cajë̱'ë, ‘jaë'ë’ pa̱nita'a ‘pa̱ñë’. Ja̱je pa'iquëta'are ai jerepa se tuajë caye cato huati aye a'ë.

Mësarupi asacohua'i a'ë, Moisés cua̱ñese'e caye: ‘Yequë ñacoare nejocaiquë pani i̱ ñacoapi sa̱iñe pa'iji. Cui'ne yequë cu̱jire tëto jëyoquë pani i̱ cu̱jipi sa̱iñe pa'iji, cui'ne nejo cua̱ñoquë.’ Ja̱je pa'iquëta'are yë'ëpi cayë, mësarute. Co'a pa̱ire sa̱ñope sa̱ima'pë pa'ijë̱'ë. Coa ai jerepa tsiana tëtoquë pa'ito, yequë te̱'te tsiaje̱ nëocaijë̱'ë, tëtoja̱quë.

Ja̱je pa'ina, më'ë ëja te̱'te ñacoapi tayoyena ne ta̱oco pa'ito dutani so'ona je̱ocojë̱'ë. Ai jerepa de'oji, më'ë ca̱pë acose'ere nejoñepi si'a më'ë ca̱pë toa yejana nejo cua̱ñoñe pa̱ja'core. Cui'ne yeque pa̱nita'a, më'ë ëja te̱'te jë̱tëpi tayo yo'oyena sa yëto tëto tëani so'ona je̱ocojë̱'ë. Ai jerepa de'oji, te'e te̱'te ca̱pë nejoto si'a ca̱pë toa yejana nejo cua̱ñoñe pa̱ja'core.