Popular Bible Verses from Lucas 8

Share

Cui'ne yequë ca̱ de'o yejana to̱mese'e cato quëaji, de'o joyopi ja̱je yo'oñu'u cajë asacohua'ini cui'ne yëhuose'ere asani cui'ne yo'ocohua'ipi cui'ne yo'o jujama'cohua'ipi nuñerepa i̱tire pa'ijë i̱ti ca̱ quë̱icohua'ije̱ pa'icohua'i pa'iyere.

Miu pi̱si quë'rona i̱ti ca̱ to̱mese'e cato quëaji. Asajëta'a ja̱ yë'ta'a i̱ohua'i ai cuasayere yo'ojë pa'icohua'ini ja̱je yo'ojë co'amaña jaiye payena cuasajë cui'ne yeja sihuayere yëjë co'a ju̱'ijëna, pi̱si meapi hue̱ hue̱añeje pa'ye yo'oquëna, i̱ti ca̱ quë̱ima'pë pa'iyere.

Quë̱na yejana i̱ti ca̱ to̱mese'e cato Maija'quë cocare du'ru macarepa sihuajë asasicohua'ipi pa'ijëna, jeteyo'je ai yo'oyepi ti̱'asi maca yo'o jujani je̱ocohua'ini quëaji.

Co'poma'co de'ona, i̱ ye'yacohua'ire capi: “¿Je ja'ye tsoe Maija'quëpi necaija̱'quë api cuasaye je̱ore?” Ja̱je caquëna, ja̱ohua'i cato quëquë huesësicohua'ipi ai ñahuë. Ñajë i̱ohua'ija̱'a sa̱'ñe cahuë: “¿I̱queire pani, iquë, tutu cui'ne oco asani sehuocaiquërepa?”

Ma'a cato quëaji, Maija'quë coca asacohua'ini. Ja̱je asacohua'ini huatipi dani i̱ohua'i joñoana de'huase'ere peo hue̱'ña jioni asama'cohua'ire neni ne huesoyere quëaji.

Yahuese'epi ti yahue huesose'e pani huesoye peoji. Cui'ne pa̱i asa ma'ñepi ti asama'pëna, pa'iye peoji. Si'aye asa ja̱'ñe a'ë, ti̱ñarepa.

Ja̱ maca tsoe co'yasico pa'io yahue yo'ose'e peoquëna, tsoe asapi caco ca'raco tsa'sico dani do're ja'runi Jesús quë̱o yë'quë macapi quëao, si'ahua'i ñajëna, i̱o cuasani yo'ose'ere cui'ne i̱o pato macapi esa co'yase'ere. Quëa maca Jesupi capi: “Huau, më'ëpi jujuja̱'quë api cuasani yo'osi do'ipi jujusico pa'iyë, më'ë. Se̱ñaco de'oye saijë̱'ë.”

Ña quëquëni ca̱iquëre sëtoni cahuë: “Ye'yaquë, Ye'yaquë, ea du'iyë, mai.” Cajëna, Jesús huëni nëcani tuture cui'ne co'poyere yo'oma'o capi. Ca macarepa tsi̱ña de'huaje̱ pa'iorepa de'opi, ti co'poma'co.