Popular Bible Verses from San Marcos 10

Share

Che, yvypóraicha aju vaekue, niko ndajúi che rembiguairã rekávo, aikóvo tembiguáirõ katu ha ame'ẽvo che rekove anohẽ haguã hetápe ivaívagui.

Jesús oma'ẽ hese kuéra ha he'i: —Yvypóra kuérape guarã upéva ndaikatúi. Tupãme guarã katu nahániri. Chupe guarã ndaipóri mba'eve ikatu'ỹva.

Jesús he'i chupe: —Ikatúma reho, rejerovia haguére rekuera. Upepete pe ohecha'ỹ vaekue ohecha, ha oho Jesús rapykuéri.

Upévare yvypóra ndoipe'ái vaerã ojuehegui umi Tupã ombojoaju vaekue.

Jesús oma'ẽvo hese, ohayhu ha he'i chupe: —Peteĩ mba'e oĩ rejapove vaerã. Tereho eñemumba opa rerekóvare ha eme'ẽ mboriahúpe. Péicharõ rerekóta mba'eta yvágape. Upéi, eju che moirũ.

Ha'e oporandu chupe: —Mba'épa reipota ajapo nde rehe? Pe ohecha'ỹva he'i chupe: —Mbo'ehára, ahechase.

Pende apytépe katu ndaupéichai vaerã. Pe mba'e guasuséva oiko vaerã uvei tembiguáirõ.

Añetehápe ha'e peẽme, oimérõ Tupã sãmbyhy ogueroguahẽva ku mitãicha, oikéta pype.

Ha heta umi ko'ágã itenondéva, itapykuéta. Ha heta umi ko'ágã itapykuéva, itenondéta.

Iñepyrũmbýpe katu Tupã ojapo vaekue kuimba'e ha kuñáme. “Upévare pe kuimba'e oheja vaerã itúva ha isýpe, ojoaju haguã hembireko ndive, ha oiko mokõivégui peteĩ.” Péicharõ, upe guive ha'e kuéra ndaha'e véima mokõi yvypóra, peteĩntema.