Popular Bible Verses from Tchikyꞌbꞌin 4

Share

Ay qAjaw ex qDiosa, at te toklin tuꞌn t-xi tkꞌmoꞌn tkyaqil nimsbꞌil tbꞌiy, ex tokliꞌn ex tipiꞌn, quꞌn ate xkubꞌ bꞌinchinte tkyaqiljo at, ex noq tuꞌn tajbꞌila iteꞌ tkyaqiljo, a xkubꞌ tchꞌiysiꞌn.

Ayetzin kyaje ajbꞌil attaq qaq t-xikyꞌ teyile junjun, ex nojnintaq kyiꞌj tukꞌa tbꞌaqꞌ kywutz, tzmax tjaqꞌ kyxikyꞌ. Tkyaqil qꞌij ex tkyaqil qnikyꞌin mi nchi kubꞌ numj tuꞌn kykꞌulin, ex nkyqꞌmaꞌntaq: Xjanxix te, xjanxix te, xjanxix te tAjaw Tkyaqil, a Dios nimxix tipiꞌn tuꞌn tbꞌant tkyaqil tuꞌn, a attaqa te tnejil; ex ate jaꞌlin, ex axjiꞌy tzul kanin juntl majl twutz txꞌotxꞌ.

Tbꞌajlinxiꞌ ikyjo, xi nkaꞌyiꞌn jun ttzija jqoꞌn toj kyaꞌj. Ex xi nbꞌiꞌn jun tqꞌajqꞌojil twiꞌ, a nyolintaq wukꞌiy, tzeꞌn tqꞌajqꞌojil chun, a tzeꞌnkuxjo otaq nbꞌiꞌy nej. Chiꞌ kyjaluꞌn: Ku tjatza tzaluꞌn, quꞌn kxel nyekꞌiꞌn tey tkyaqiljo kbꞌajil tibꞌajxi luꞌn.