Popular Bible Verses from 1 Aj Corint 15

Share

Tuꞌnpetziꞌn werman, nimx tqꞌaqꞌbꞌil nkꞌuꞌja kyiꞌja, chi weꞌkuxixa wen, ex mi chi yekjxa toj kynimbꞌila. Kybꞌinchinkuy taqꞌin qMan Dios tukꞌa tkyaqil kyanmiꞌn, quꞌn ojtzqiꞌn kyuꞌn, qa a kyaqꞌiꞌn anetziꞌn, nya noqx kukxjo, qalaꞌ at chojbꞌil te.

Me chjontexla Dios. Ma tzaj tqꞌoꞌn tumil tuꞌn tkubꞌ tiꞌj il quꞌn, noq tuꞌn qAjaw Jesucrist.

Mi chi txalpaja toj kynimbꞌila, ikyjo tzeꞌnku ntqꞌmaꞌn juntl yol kyxolxjal: Mi chex kybꞌinjiꞌy yol nya tumilqe, tuꞌn mi cheꞌxa qꞌiꞌn kyuꞌn.

Me noq tuꞌn t-xtalbꞌil, ma chin oka te tsanjil Jesús. Ex nya noq kukxjo txokbꞌil lo, quꞌn ma chin aqꞌniꞌn kujxixtl tzeꞌnku txqantl; me ex nya ayiꞌn, qalaꞌ noq tuꞌn t-xtalbꞌil qMan Dios wukꞌiy.

Tuꞌnpetziꞌn, qo xmayiltz tiꞌjjo kyimin, tzeꞌnku kyij tzꞌibꞌit toj Tuꞌjil Tyol Dios: Ay kyimin, ¿Jaꞌn taꞌ tipiꞌn jaꞌlin, ex jtojtzin bꞌaꞌn qkubꞌ tbꞌyoꞌn? A bꞌiybꞌil tuꞌn kyimin, atziꞌn a bꞌinchj il. ¿Ex jaꞌn ntzaje tipin bꞌinchj il? Noq tuꞌn qbꞌinchbꞌin tiꞌjbꞌinxiꞌ tkawbꞌil Dios.

Waja tuꞌn t-xi nqꞌmaꞌnjiꞌy a ewintaq: Quꞌn nya qkyaqilx qo kyimil. Me qkyaqilx qo txꞌixpitil te jun paqx, tzeꞌnku jun qmutzꞌbꞌin qwutz, aj t-xi qbꞌiꞌn tqꞌajqꞌojil chun, te yekꞌbꞌil, aj tjapin bꞌaj tkyaqil twutz txꞌotxꞌ. Ex ayetzin kyimnin kchi jawitz anqꞌin, tuꞌntzin mi chi kyime juntl majl, ex awotzin qe, awo itzꞌqo, qo txꞌixpitil.

Quꞌn ikyxjo tzeꞌnku s-ul kanin kyimin kye jniꞌ xjal noq tuꞌn jun ichin, ex ikyxjo noq tuꞌn jun ichin, kchi jawitz anqꞌin kyimnin, aye kchi nimil tiꞌj, tuꞌn tten kychwinqil te jun majx. Quꞌn noq tuꞌn tbꞌinchbꞌin Adán, jaꞌ saje kyimin kyibꞌaj kykyaqilxjal. Exsin ikyxjo, noq tuꞌn Crist kykyaqiljo kchi nimil tiꞌj kchi jawil anqꞌintl juntl majl.

Quꞌn a qxmilil, a nlay tpa, il tiꞌj tuꞌn ttxꞌixpit, tuꞌn tten te jun majx. Ex atziꞌn tuꞌn tbꞌaj, il tiꞌj tuꞌn ttxꞌixpit, tuꞌntzin mi bꞌaje. Aj tjapin bꞌajjo lo, ok japin bꞌajiljo yol lo: Ma kubꞌ tiꞌjjo kyimin tuꞌn chwinqil te jun majx.

Quꞌn ate Crist il tiꞌj tuꞌn tkawin, me tzmaxiꞌ aj ttzaj tqꞌoꞌn qMan tuꞌn tkanbꞌin Crist kyibꞌaj jniꞌ tajqꞌoj. Ex atziꞌn tchꞌibꞌil tajqꞌoj, a kꞌwel yuchꞌit te jun majx, atziꞌn kyimin.