Popular Bible Verses from San Lucas 3

Share

Juan tucuy runasta bautizashajtin Jesuspis bautizacorka. Pay Diosmanta mañacushajtin, Dios janaj pachata quicharimorka. Santo Espiritutaj paloma rijch'aypi ricucoj Jesusman uraycamorka. Janaj pachamanta Diostaj nimorka: —Kanmin c'ata munaska Wawayka canqui. Kanwan may cusiska cani, —nispa.

Juantaj tucuy runasman nerka: —Chekatapuni nokaka yacupi bautizayquichej Diosman cutiriskayquichejta ricuchinapaj. Nokamanta uj aswan atiyniyoj jamushan. [Mana camachinpajjinapischu cani runalla caskayraycu.] Payka Santo Espirituwan ninawantaj kancunata bautizaspa Espirituta sonkoyquichejman cachamusonkachej.

juchasniyquichejta sakespa, Diosman cutiriskayquichejta allin ruwaskasniyquichejwan ricuchiychej. Amataj kallariychejchu jatunchacuyta sonkosniyquichejpi: “Abrahamka unay tatanchejmin. Chayraycu Dios qhuyashawaycu”, nispa. Dioska atiyniyojmin ruwananpaj cay rumismantapis Abrahampa mirayninta.

Hachaka waquichiskaña cashan sach'a saphinmanta c'utunanpaj. Sapa sach'a mana allin pokojtaka runas c'utuspa ninaman wijch'uncu, —nerka Juan.

Ajinata Diospa willajnin Isaías libronpi kelkarka: Ch'in lomapi uj runa khaparishan: “Uj jatun camachej jamojtin runas ñanninta waquichipuncu. Purinasnintapis chekanta ruwancu. Tucuy t'okosta junt'achincu. Tucuy orkosta mokostapis pampachancu. Wist'u ñancunata chekanchancu. T'oko puru ñancunatapis cuscachancu. Ajinallatataj sonkoyquichejta waquichicuychej Diospa Wawan jamunanpaj. Sapa uj runataj riconka Diospa cachamuskanta runasta juchancumanta cacharinanpaj”, nispa.