Popular Bible Verses from San Lucas 11

Share

Nipunichá. Kancuna tatas, pantaj runas cashaspapis, yachanquichej allin cajta koyta wawasniyquichejman. May astawanraj Dios Tatayquichejka janaj pachamanta Santo Espirituta konka paymanta mañacushajcunaman, —nispa.

Astawanpis niyquichej: Mañacullaychejpuni, Diosmin kosonkachej. Masc'allaychejpuni, Diosmin tarichisonkachej. Wajyallaychejpuni, Diostaj puncuta kancunaman quicharisonkachej.

Sapa uj mana sakespa mañacojka jap'inpuni; mana sakespa masc'ajtaj tarinpuni; mana sakespa wajyajmanpis puncoka quichariconkapuni, —nispa.

Chayraycu Jesús paycunata nerka: —Diosmanta mañacushaspaka niychej: Janaj pachapi caj Tataycu, tucuy runas sutiyquita yupaychachuncu. Mayta munaycu tucuyta camachinayquita. Janaj pachapi munayniyqui ruwacushan, ajinallataj cay pachapipis ruwacuchun.

Juchasniycuta khechuspa perdonawaycu; nokaycupis perdonaycu tucuy juchata nokaycuman ruwajcunata. Llaquiycunapi callpachawaycu ama juchallicunaycupaj, —nispa.

Causanaycupaj miqhunaycuta kowaycupuni sapa p'unchay.

Ñawiyqui c'anchayllawan ricun cuerpopaj. [Ajinallataj sonkoyquipis Diospa c'anchayninwan reparan. Sichus llimphu sonkoyoj canqui chayka, tucuy causayniyqui c'anchayniyojmin. Sajra sonkoyoj canquirí tucuy causayniyqui lakhapachamin.]

‘Ni pipis uj c'anchayta jap'ichispa pacaycunchu; nitaj wich'i uraman churanchu. Astawanpis pataman churan yaycojcuna c'anchayta ricunancupaj.