Popular Bible Verses from Aj Rom 3

Share

Qu'n qkyaqilx o qo b'inchin il, ex toj qanmin najchaq oto' tk'atz tqoptz'ajiyil qMan Dios. Tu'n ikyjo, nti'taq tumil tu'n tchjet qil qu'nx, qu'n qky'e'taq ti'j. Me ante Dios, noq tu'n t-xtalb'il, ma qo ok te tz'aqle twutz, qu'n ma qo kotpit toj qil tu'n Crist, a Jesús.

Ma qo ok tz'aqle qkyaqilx, a awo o qo nimin ti'j Jesucrist, exla qa aj Judiy ex qa mina; qu'n twutz Dios jun elninqo qkyaqilx.

Ma tz'ajb'in tchky'el Jesucrist tu'n qMan Dios te chojb'il qil, tej tkyim twutz cruz te qxel, aj qa ma qo nimin ti'j. Ma b'antjo lu'n noqtzin tu'n tyek'in qa ate Dios tz'aqlexix. ¿Me ti'n xb'aj kyuk'a xjal ojtxe, tej na'mtaq tkyim Jesús? Ma tziky'x tna'ljtz il tu'n Dios, a otaq b'ant kyu'nxjal ojtxe, aye a xi kynimin qa iltaq ti'j tu'n tul Kolil. B'ajjo lu'n noq tu'n tyek'it ja'lin, qa tz'aqlexix qMan Dios, ex qa kukx tz'aqle, ex ma qo ok tq'o'n te tz'aqle twutz, noq tu'n qnimb'il ti'j Jesús.

Tu'n ikyjo, mix a'lx junxjal aku k'met tu'n Dios noq tu'njo kyb'inchb'in, a tze'nku ntq'ma'n toj ojtxe kawb'il. Qala' noq a ojtxe kawb'il nyek'inte, tu'n tel qniky' te qa aj ilqo twutz Dios.

Qu'n ikytzin ntq'ma'n Tu'jil Tyol Dios: Mix a'l jun xjal tz'aqle twutz Dios, me tuk'axpetla jun. Ex mix a'l jun n-el tniky' te Dios, ex mix a'l jun njyon ti'j. Qala' kykyaqil b'ajel txalpaj, ex kykyaqilx ma che'x toj najin. Ex mix a'lx jun nkub' tb'inchin b'a'n, me tuk'axpetla jun.

Tu'ntzi'n ikyjo, b'i'n qu'n ja'lin, qa ma qo ok tz'aqle twutz qMan Dios noq tu'n qnimb'il, ex nya tu'n qb'inchb'in b'a'n.

¡Mina! Qu'n i'chaqx tkyaqilx te xjaltz niky'il yol, me mete Dios kukx njapin b'ajx te' tu'n, tkyaqiljo nkub' tq'ma'n, tze'nkuxjo ntq'ma'n toj Tu'jil Tyol Dios: Ok k-okila tz'aqlexix noq tu'n Tyola, ex k'wel kyi'j xjal tu'n, aj qa ma tz'oka toj xjelb'il kyu'nch.