Popular Bible Verses from Matey 27

Share

Ax orjo jaw ẍch'in Jesús kujxix wen, ex tq'ma: Eli, Eli, ¿Lama sabactani? Atzin tz'elpine' yol lo, NMan Dios, nMan Dios, ¿Ti'xsin qu'n ma chin kyij ttzaqpi'n?

Atzin xb'alin tokxtaq tojjo tnejil ja te na'b'l Dios, b'e'x kub' laqj te kab'e; tzaj xkye ti'jjo ttxa'n jawl, tu'n tk'u'l kanin ti'jjo juntl ttxa'n. Ex tzaj lu'lin tx'otx', ex jni' ab'j b'e'x b'aj kub' ka'min, exqetzi'n jni' kyja kyimnin b'e'x b'aj xi pax, ex ma nintzx nimil ti'j Dios, b'e'x i b'aj jatz anq'intl.

Ex jaw ẍch'in Jesús juntl majl kujxix wen, te' tel kyim.

Ajo kynejinel xo'l q'aq' aj Rom, exqetzi'n nchi xq'uqintaq ti'j Jesús, tej kyna'nte kyaqnajnab' ex tkyaqiltaqjo nb'aj, tzajxix nim kyxob'il, ex kyq'ma: Twutzx tetz Tk'wal Diostaq te' ichin lo.

Te' tok kab'laj q'ij, ex tzmaxi toj oxe or te qale, b'e'x ok yupj twutz tx'otx'.

Ex xi tqanin Pilat kye: ¿Tze'ntzin k-okile Jesústz wu'n, a tok tb'i Crist? Xi kytzaq'win kykyaqilx: Pejk'inka twutz cruz, tu'n tkyim. Xi tqanin Pilat kye: ¿Tiqu'n? ¿Ti'xsi'n nya wen ma tb'inche? Me i jaw ẍch'inxjal juntl majl: Pejk'inka twutz cruz, tu'n tkyim.