Popular Bible Verses from Madcos 1

Share

Adashic badiadte anoentsëqui isucunanec shubu nibëdacno abentsëqui Esus nidpanëdash. Adec nidshun Nuquin Papa chuipanëdash.

Nuquin Papan chiampicpadquid ambi namiacno iuedanquid nëmbobi iqueque. Mimbi icsambuen naid ënshun Chiaid Bëda tantiash bëdambuec tabadta, quequin Esusën chuibampanëdash.

Aden acten mentoac pudundonobi abu canchedec shëcuë yansho Esusën ispanëdash. Adnubi oshpodcobimbuec isadec aton Mayan Esusbëd icnuec budpanëdash. Adnubien abucuësh nadec onquepanëdash: Mibiuidtsëqui cun Madombo icsho umbi bëdambuen isquin umbi tantiaidquio mibi nec, quepanëdash.

Mibitedi acten mentoquiduidtsëqui nebi. Aidien abipadquidquio aton Mayan Bëda menianquidquio nendac.

Aden istuidshumbien: Nuquibi icnu. Cho. Nuëcquid bedquid icbuedi nuëcquid mimbi bedbocpadombuembidi nëbi umbi namiaid icquin matses chuibanquid mibi icmenu, capanëdash Esusën. Adoaquien nëshaid nianec Esusbëd nidannepanëdash.

Aden chuisho tantiash tantiadempambo yec tabadec: ¿Mitsipadombuen tantiabenshun adombuen chuibanquin napeba? Tantiaquidënquio chuibanacpadombuen Esusën chuibampayoc. Ma Moisesën chiampid tantiamequidon adombuen chuibanenquio icpaboc, quecuededpanëdash.