Popular Bible Verses from Uan 5

Share

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Adec uesho istuidshumbien Esusën: Ëndenquio daicsabudaid nec, quequin tantiaquin: ¿Bëdanteda bune? catuidpondash.

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc. Aden dada uamiampid isbanquido iquequi mibitedi ubi tantiate bunenquio iquec. Ubi tantiashien mibitedi ënëdenquio yec ubëd tabadtsiandac.

Adshobien Esusën: Nidtotanquin mibi nandote chiadtoshon buanec nid, capondash. Adoac badedquio aton dada bëdantanquin abi bëbued nandote buanec nidpondash. Aid uëshë cun matsesën: Chonoadtemaid uëshë nec, caid nepondash.

Adshumbic Esusën naden chuiuapondash: Tantia. Mibi chuinu. ¿Nuquin Papan Madombo icquin umbi tantiacpadombuen naictabi nedi? Padenquio. Cun Pan nasho issun aidën nacpadombuembidi naic nebi. Cun Pan abitedimbo nacpadombuembidi aton Madombo icquin nabanec nebi.