Popular Bible Verses from Santiaco 1

Share

Tantia, cun utsibo. Mibitedi chuinu. Natiamiantequid utsi utsiec icnubi chieshtoenquio yec cuishonquec tabadta. Mibitedi abi tantiaquido icsho Nuquin Papan: ¿Ubi tantiaquidquiobida neque? Isnu, quequin tanquin natiamiaqui mëmunec chieshtoenquiocquid yanebi, quequin mimbi tantiendac.

Bëdambuen tantienquio iquembique. Ubi dadpen bëdambuen tantiaquid icmeta, quequin Nuquin Papa chuita. Aden abi chuisho: Ma bëdambuen tantianu, queshun chushcainquio icquin mibi dadpenquio bëdambuen tantiamendac.

Tantia, cun utsibo. Umbi tantiaido icsho mibitedi chuinu. Utsin chuibansho bëdambuen tantiaquid icta. Adquid icquin utsibon chuibannubi badedquio onquequin chienda. Adecbidi badedquio nëishenda.

Aden natiamiaqui chieshtoenquio yec tabadsho bëdambuec tabadte bëdambuen tantiamequin ambi chiacpadombuen nabanquidquio mibitedi icmendac.

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Nuquin Papa icsa nibëdquid yec bëdamboshëcquidquio icquin nuquitedi bëdambocquid menendac. Aidëmbi badiadën uëshëbëta inchëshën uëshë uatanquin uispatedi uapampic. Nuquin Papa utsi ictiapimbo icquid yec iuecash adquiouidi iquendac. Inchëshnuc abuc icquid chënquebuedi chënquenquio yanacbimbuecpenquio utsi ictiapimbo iquendac.

Nuquin Papan Chiaid tantiashumbi aid nabanenquio icquid yec isnanten bëisadec matses: Adquio iquebi, quebuedi bidiadanec nidec badedquio bëshunacbimbuecquid nec.

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Icsambuen namenu, quequin tanac icsambuen nashun: Nuquin Papan namiac naombi, quenda. Utsin: Icsambuen namenu, cac Nuquin Papa: Icsambuen nanu, quenquiocquid nec. Adecbidi: Matses icsambuen namequin tannu, quesa nec. Padnuen matses icquin icsambuen nate bunquin ambibi tantiacpaden icsambuen naindac.

Esus tantiaquid atona nibëdquid icsho Nuquin Papan: Mibi bëdambo iquec, caindac. Adoac: Nuquin Papan bëdambo icmiaid nebi, quendac.