Popular Bible Verses from Uan 1 3

Share

Cun bacuëbobimbuecquido icsho umbi tantiaido mibi neque. Utsibo tantiaquin nashunquid nebi, quec onqueuidequi onquenda. Utsi tantiembi, quequin mimbi tantiacpadombuen aid tantiaquin nashunquin ismeta.

Adquid icnuc utsibobëd tantiananec tabadte nuqui tantiec. Esuquidistu nuquitedi tantiaquiec abided cuidadec uënëspanëdash. Adecbidi nuquibëtan Esus tantiaquido caic: Cuessunnenu, casho issun: Padi, ubiquien cuessunne, canuna.

Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Nuquin Papan: Cun bacuëbo nec, caido icquin ambi icsambuen naid abi nabantiapimbo iquendac. Nuquin Papan aton Mayambëd tabadmiaido yec icsambuen naic tabadtiapimbo iquendac.

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Aden ambi chiacpadombuen naquidbëd abentsëc yacbimbuec Nuquin Papa iquec. Adecbidi matses Nuquin Papabëd abentsëc yacbimbuecbidi icuaic, quequin Nuquin Papan aton Mayan meniaid nuquibëd icquin nuqui abimbo chiaid tantiamec.

Nuquin Papan: Cun bacuëbo nec, caido adquid nec, quequin nuqui tantiec. Adembidi Mayan Icsa Satanasën namiaidotsen nuqui tantiauaic. Nuquin Papan Chiaid niacquidën utsibo tantienquiocquido Nuquin Papan: Cun bacuëbo nec, caido ictiapimbo iquendac.

Ënden bedanquin chuisho mimbi tantianëdaid nad iquec: Esuquidistu tantiaquid yec Esus tantiaquid utsibobëd tantiananquionona, quequin mibitedi chuipanëdash.

Tantia, cun utsibo, umbi tantiaido icsho mibi chuinu. Nuquin Papa tantiesabon Esus tantiaquid icsho mibi chieshënendac. Adoac: ¿Atotsi queshun ubi chieshëmpec? quequin tantienda.