Popular Bible Verses from Uan 1 1

Share

Padnuen Nuquin Papa chiec: Icsambuen naombique. Ubi bëdambo icmequin ubi bëdambuen ista, Papa, quesho tantiashun ambi chiacpadombuen naquin nuqui bëdambuen isendac. Nuqui icsambuen naidtedi tantienquio yec bëshunquin icsambuen naisabimbuecnuc nuqui bëdambuen isendac.

Nuquin Papan chiacpadombuen nabanquid yec Esus tantiaquid utsibobëd abentsëc yacbimbuec tabadquid nuquitedi nendac. Adquid nuqui icmenuec nuqui icsambuen naidtedi bedshunec abided cuidadec Nuquin Papan Mado Esuquidistu uënëspondash. Adec intac mëyanec uënësondaidënquio nuqui icsambuen naidtedi uqendac. Nuqui icsambuen nabued tantienquio yec bëshunendac.

Icsambuen naisambo nebi, quec nuquibi mua uadquid icquin abimbo chuibanquidpenquio nuqui nendac.

Esuquidistun Nuquin Papan naid chuibansho tantiondashun mibitedi chuiuaimbique. Tantia. Nuquin Papa bëchamauanquiecquid yec bëdamboshë icquid nec. Adquid yec inchështiapimbo yacbimbuen icsambuen naisambo nec. Adquid icnuc: Nuquin Papa tantiaquid yec aidbëd abentsëc yacbimboecquid nebi, quebuedëmbi icsambuen nabanquin aidën chiaid niac niacquid yec nuquibi muaquid nendac.

Matses icsambuen naisambo nibëdquiec, quequin chuiquin Nuquin Papan Chiaid dada uampid icnubi: Icsambuen naisambo nebi, quequin chiec: Muaquid Nuquin Papa nec, quiacbimbuec nuqui onquepec. Adec onquequin Nuquin Papan Chiaidquio bëdambuen tantienquiocquid nuqui nendac. Aden chuiquid Nuquin Papan chiacpadombuen naisa nendac.