Popular Bible Verses from 2 Timoteo 2

Share

Bete a meyaj tulacal a wool. Ti baalo'o, ca' xiquech tu taan a Dioso, c'üma'an ilic a meyaj. Ma' yan a sudactal tu taan u men ma' tan a xaabtic u wich a t'an a jaja.

Baalo' ti yan, mentücü, ma' a betic a c'as jabix a qui'oo' tu wich a ch'ajomo. Tz'a a wool ca' yanac tech a tojil na'ata. Tz'a a wool a tz'oques a Dioso. Tz'a a wool a mas yacuntoo' a wetcristianojil. Tz'a a wool ca' yanac tech a jetz'a'an-oolili. Le'ec boon tuul a quich'pan u tucul a walacoo' u tz'ocsic a Noochtzili, tanoo' ilic u betic a jabix in tz'iibtaj to teche.

Le'ec mac a tan u betic u meyaj a Noochtzili, ma' yan biqui ca' u p'ujesoo' u bajil etel t'an. Chen qui' a yan u betic ti'i tulacal. Patal ti ca'ansaj tu jajil. Yan u muc'yaj.

Ino'ono, jede'ec u paatal ti wadic a tusu. A Dioso, ma' tu tus. Ala'aji, ma' tu paatal u p'ütic u t'an.

Tu qui'il walac u tojquinticoo' u na'at a mac a ma' quetoo' u na'at etele. Le'ec a Dioso, uchac u tz'eec ti'ijoo' ca' u jeloo' u tucul ca' u c'ümoo' a jaja.

Ma' a wu'yic a tzicbal a ma' yan u c'abeetil ti'i a Dioso. A t'an abe'e, walac u tz'eec ti'ijoo' a cristiano ca' u mas p'ütoo' u tz'oques a Dioso.