Popular Bible Verses from Roma 4

Share

Topẽ tỹ Abraão mỹ ti kósin ke tag tó kỹ tóg 100 (ke) anos pétẽm. Si há ti nĩ ja nĩgtĩ, ti prũ tỹ Sara fi ke gé. Gĩr han vãnh fag nỹtĩ. Ẽn hã kã Topẽ tóg ti mỹ ti tỹ krẽ e hynhan ke tó ja nĩgtĩ. Kỹ tóg ti vĩ kri fi ja nĩgtĩ. To krónh ke ja tũ tóg nĩgtĩ. “Hỹ mỹ vỹ?“ he ja tũ ti nĩgtĩ, Topẽ vĩ tag to. Ti vĩ kri fi kỹ tóg Topẽ to: “ũn mág vỹ tỹ ti nĩ,” he ja nĩgtĩ. “Topẽ vỹ ti tỹ nén tó ja han ki kanhró nĩ,” he ja ti nĩ, Abraão ti, to krónh ke tũ nĩ kỹ.

Topẽ hã ne ti mỹ: “ã krẽ tỹ sóg povo e hynhan ke mũ,” he ja nĩ'. Hã kỹ tóg tỹ ẽg kar jógjóg ve pẽ nĩ. Rán kỹ ti nĩ, Topẽ vĩ rá ki. Hã kỹ tóg Abraão mỹ ti kósin ke tó ja nĩgtĩ, ti kófa pẽ ra. Ver tóg kósin ja tũ nĩ. Hã ra tóg Topẽ vĩ tag kri fi ja nĩgtĩ. “Ũn kãgter mũ ag rĩnrĩn mãn ki kanhró tóg nĩ, Topẽ ti. Kỹ tóg nén kar han ki kanhró nĩgtĩ gé,” he ja tóg nĩgtĩ.

Ẽg jagfy tóg ter ja nĩ, Jesus ti, ti tỹ ẽg tỹ Topẽ vĩ mranh tỹ tũ' he jé. Hã jé Topẽ tóg ti fẽg ja nĩ. Kỹ tóg ti rĩn mãn ja nĩ gé, ti tỹ ẽg mỹ vẽnh pãte fón jé, ẽg tỹ ti vĩ mranh ja ti.

Topẽ hã ne ti mỹ: “ã krẽ tỹ sóg povo e hynhan ke mũ,” he ja nĩ'. Hã kỹ tóg tỹ ẽg kar jógjóg ve pẽ nĩ. Rán kỹ ti nĩ, Topẽ vĩ rá ki. Hã kỹ tóg Abraão mỹ ti kósin ke tó ja nĩgtĩ, ti kófa pẽ ra. Ver tóg kósin ja tũ nĩ. Hã ra tóg Topẽ vĩ tag kri fi ja nĩgtĩ. “Ũn kãgter mũ ag rĩnrĩn mãn ki kanhró tóg nĩ, Topẽ ti. Kỹ tóg nén kar han ki kanhró nĩgtĩ gé,” he ja tóg nĩgtĩ.

Hã ra tóg ẽg mỹ: “ha inh ki rã, sỹ ãjag mỹ nén ũ há ẽn han jé, ãjag tỹ inh ki ge tugrĩn,” he ja nĩgtĩ. Ti tỹ ẽg jagãgtãn hã vẽ. Ti pijé Judeu jykre han mũ ag tãvĩ mỹ vin sór mũ'. Ũ tỹ Abraão ri ke Topẽ ki ge mũ ag mỹ tóg vin sór mũ gé, fag mỹ ke gé. Ẽg kar jógjóg ve vỹ tỹ ti nĩ.

“Topẽ vỹ ẽg ve há han ke mũ, hã kỹ tóg ẽg mỹ ẽg tỹ ti vĩ mranh ja ẽn tỹ vẽnh pãte fón tĩ. Kỹ ẽg ve mãn ke tũ nĩ ha, ẽg jykre pãno ja ẽn ti, ti tỹ vẽnh pãte fón kỹ nĩn kỹ. Topẽ vỹ ẽg ve há han ke mũ, hã kỹ tóg ẽg mỹ ẽg tỹ ti vĩ mranh ja ẽn kaja kórég ẽn ven ke tũ pẽ nĩ,” he ja tóg nĩgtĩ, Davi ti.

“Nén ũ há kar han ti tĩ, Abraão ti, hã tugrĩn tóg Topẽ mỹ tỹ ũn há nĩ,” he sór ag hỹn mũ. Vó, hã tũ vẽ. Ti ki rã tugnĩn ke vẽ. Hã kỹ tag vỹ ti to rán kỹ nĩ, ha mẽ: “Abraão vỹ Topẽ ki rã, hã kỹ tóg Topẽ mỹ tỹ ũn há nĩ, ti tỹ ti ki rã tugrĩn,” he tóg mũ, Topẽ vĩ rán ki. Ti tỹ nén ũ há han tugrĩn Topẽ mỹ tỹ ũn há nĩ ra tóg vẽso: “tỹ sóg ũn há nĩ, ag kar kãfór,” henh ke mũ vẽ, vẽsỹ ũn há han sór kỹ. Hã ra ẽg vẽsỹ ũn há han ki kagtĩg nỹtĩ.