Popular Bible Verses from Roma 14

Share

Topẽ tỹ tỹ ẽg Senhor nĩn kỹ ẽg jẽn tóg tỹ nén ũ tũ nĩ ha mỹr. Kỹ tóg ẽg tỹ nén ũ nĩ ko tũ ra ẽg mỹ tỹ nén ũ tũ nĩ. Nén ũ ũ to ẽg jykrén ke mũ ha, hã vỹ: vẽjykre kuryj, he mũ, vẽjykre kusa, vẽjykre sér, Topẽ kuprĩg tỹ mỹr, ẽg jagrẽ tãg tỹ, he tóg. Ẽg tỹ gen kỹ Cristo jykre han kỹ tóg Topẽ mỹ há tĩ ha, ẽg jykre ti. Kỹ tóg ẽg mré ẽprã ke ag mỹ há tĩ gé sir, ha vem nĩ.

Ẽg tỹ ga kri mũn kỹ ẽg tóg ẽg Senhor jykre hã han ke mũ. Ti tũ han hã jé ẽg tóg ga kri mũ nĩ. Kỹ ẽg ter ken kỹ ẽg tóg ti jykre hã ki ter ke mũ gé'. Ẽg Senhor tỹ Jesus Cristo tũ kar vỹ tỹ ẽg nỹtĩ.

Kỹ ẽg jé jagnẽ krĩ kuprãg hã to jykrén. Ẽg jé jagnẽ tar han sór.

Hã kỹ jagnẽ to vĩ mãn tũg nĩ. Jagnẽ to: “kórég ti nĩ,” he mãn tũg nĩ. Ãjag tỹ nén ũ han ken kỹ: “isỹ tag han kỹ inh régre mỹ inh ve kỹ Topẽ vĩ mranh ke tũ nĩ vỹ?” he jé ẽg tóg ke mũ.

Hã kỹ tag tóg rán kỹ nĩ, ha mẽ. “Rĩr inh jẽ nĩ,” he tóg, ẽg Senhor ti. “Vẽnh kar vỹ inh krẽm grĩnh kenh ke mũ, ha vem nĩ. Vẽnh kar vỹ inh mỹ: ũn mág vỹ tỹ ã nĩ, henh ke mũ, he ti, Topẽ ti,” he tóg, Topẽ vĩ tỹ rán kỹ nĩ ki. Ẽg kar vỹ Topẽ rĩnja tá nỹtĩnh ke mũ, kỹ tóg ẽg jykre tugnỹm ke mũ. Ẽg hã ki tóg jẽmẽnh ke mũ, ẽg tỹ nén han ja ẽn to.

Ũ tóg krój nỹtĩ ver. Tope jykre ũ tóg ver ag mỹ jagy tĩ, ag tỹ ti ki ge kỹ nỹtĩ ra. Ũ tỹ ge tovãnh tũg nĩ. Ag mỹ: “ẽg mré Topẽ vĩ mẽnh kãtĩg nĩ,” hem nĩ. Ag mỹ komẽr hã vĩm nĩ, ag tỹ kygnẽ kỹ.

Jesus mỹ rãnhrãj tĩ vỹ tỹ ẽg nỹtĩ, ẽg kar. Hã kỹ tóg vẽnh mỹ tĩ, ẽg tỹ jagnẽ to vĩ sór kỹ. Ũ tỹ ẽg mỹ vĩnh ke mũ vỹ tỹ ẽg Senhor ti nĩ, ẽg tỹ tỹ ti tũ nỹtĩn kỹ. Hã ra ẽg kar vỹ há nỹtĩnh ke mũ, kurã ẽn kã, ha vem nĩ, ẽg Senhor tỹ ẽg tar han kỹ.