Popular Bible Verses from Marcos 14

Share

Kỹ tóg: “Aba', panh', nén kar han ki kanhró ã tóg nĩ. Kỹ tóg inh mỹ ã tỹ inh jagtar ke tag tỹ tũ' henh há tóg tĩ vẽ. Hã ra isỹ ã mỹ nén to vĩ mũ tag han tũg nĩ, ã tỹ nén han ke mũ ẽn hã han nĩ,” he mũ.

“Nũr tũg nĩ! Topẽ mré vĩm nĩ, ãjag tỹ ti vĩ mranh tũ nĩ jé, ũ tỹ ãjag kutãn mũ ra. Ãjag tỹ mranh sór tũ vẽ vẽ, hã ra ãjag tóg krój nỹtĩ,” he tóg.

Ag tỹ vẽnh vĩ sér tugtó kỹ ag tóg fi tỹ nén han mũ tag tónh ke mũ gé, kỹ vẽnh kar vỹ fi tỹ nén han mũ tag mẽgmẽnh mũ sir, ha vem nĩ. Ki hã sóg tó mũ,” he tóg.

Kỹ tóg ag mỹ: “inh fe kaj mág tóg tĩ, kỹ tóg inh mỹ tỹ iser ri ke nĩ. Tag ki nỹtĩm nĩ, nũgnũr tũg nĩ,” he mũ.

Ag tỹ ver jẽg nỹtĩ ra Jesus tóg ẽmĩ mãg mũ. To tóg Topẽ mré vĩ mũ sir. Kỹ tóg vẽnh kã kupãn kỹ ti mré mũ ti ag mỹ: “té, ha kó,” he mũ. “Inh hã vẽ,” he tóg, ẽmĩ to.

Kar kỹ tóg kópa vãg mũ gé sir. Uva mé tỹ ki jẽ ẽn to tóg Topẽ mré vĩ mũ gé sir. Kỹ ũn pir tóg kã kron' kron' he kãn mũ sir. Kỹ tóg ag mỹ: “inh kyvénh hã vẽ. Vẽnh kar jagfy tóg inh ki kã kutẽnh ke mũ. Topẽ vỹ vẽnh kar to há nĩ sór mũ, inh kyvénh tugrĩn,” he mũ.

Kỹ tóg ag mỹ: “ãjag kar vỹ inh ré kỹ mũ kãn ke mũ,” he mũ. “Hã kỹ tóg rán kỹ nĩ, hã mẽ. “Ũ tỹ carneiro ki rĩr tĩ ẽn tãnh jé sóg ke mũ, kỹ ti mẽg vỹ krig ke kãn ke mũ,” he tóg, iso, Topẽ ti, ti vĩ rá ki. Hã ve jé ãjag tóg ke mũ.

Nĩgnĩ ra, ag kato mũ jé ha. Ũ tỹ ag mỹ inh ven mũ tóg kãtĩ ha,” he tóg.

Hã ra Jesus tóg ti mỹ: “ha vé, ũri, kuty tag kã ã tóg iso: ti ki kagtĩg sóg nĩ, he tãgtũ han ke mũ, galo kyr régre han ke to hã. Ki hã sóg tó mũ,” he mũ.