Popular Bible Verses from San Marcos 2

Share

Li Jesús quirabi li queꞌxpatzꞌ ut quixye reheb: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li nequeꞌraj banecꞌ. Joꞌcan nak la̱in incꞌaꞌ xinchal chixsicꞌbaleb li ti̱queb xchꞌo̱l. Xinchal ban chixsicꞌbaleb laj ma̱c, chan li Jesús.

Li Jesús quixqꞌue retal nak eb li cui̱nk aꞌan queꞌxpa̱b nak naru tixqꞌuirtesi li yaj. Joꞌcan nak quixye re li yaj: —At cui̱nk, cuybil sachbil chic la̱ ma̱c, chan.

Ut quixye ajcuiꞌ reheb: —Aꞌ li cui̱nk ut li ixk aꞌaneb li kꞌaxal lokꞌ chiru li hiloba̱l cutan. Toj ma̱cꞌaꞌ li hiloba̱l cutan nak ac queꞌyoꞌobtesi̱c chak ut li hiloba̱l cutan quiqꞌueheꞌ re xtenkꞌanquileb li cui̱nk ut li ixk.

Abanan xban li qꞌuila tenamit, incꞌaꞌ naru teꞌrocsi li yaj cuan cuiꞌ li Jesús. Joꞌcan nak queꞌtakeꞌ saꞌ xbe̱n li cab ut queꞌxte caꞌchꞌin xbe̱n li cab ut aran queꞌxcubsi li yaj yocyo chiru lix cuariba̱l ut coxcana̱c chiru li Jesús.

La̱in tincꞌut che̱ru nak la̱in li Cristo li Cꞌajolbej, ut cuan incuanquil saꞌ ruchichꞌochꞌ chixcuybal xsachbal li ma̱c, chan reheb. Tojoꞌnak li Jesús quixye re li cui̱nk: —At cui̱nk, la̱in tinye a̱cue, cuaclin, cꞌam la̱ cuariba̱l ut ayu saꞌ la̱ cuochoch, chan.

¿Bar cuan li us tinye re li yaj re nak ta̱cꞌutu̱nk che̱ru nak cuan incuanquil? ¿Ma tinye re, “Cuybil sachbil la̱ ma̱c”, malaj ut tinye re, “Cuaclin, ayu, ut cꞌam la̱ cuariba̱l”?

Ut li cui̱nk sic nak quicuan ac ta̱cuacli̱k. Quixchap lix cuariba̱l ut ac ta̱e̱lk chiruheb chixjunil li tenamit. Ut riqꞌuin aꞌin chixjunileb queꞌsach xchꞌo̱l. Queꞌxqꞌue xlokꞌal li Dios ut queꞌxye: —Ma̱ jun cua kilom aꞌin, chanqueb.