Popular Bible Verses from San Mateo 27

Share

Ut caꞌchꞌin chic ma̱ oxib o̱r nak quia̱tinac li Jesús chi cau xya̱b xcux ut quixye: —Elí, Elí, ¿lama sabactani?— Chi jalbil ru naraj naxye: At inDios, at inDios, ¿cꞌaꞌut nak xina̱canab injunes?

Ut li tꞌicr li cuan chokꞌ tas saꞌ li Santil Naꞌajej saꞌ li rochoch li Dios quikꞌicheꞌ saꞌ xyi. Quiticla chak takecꞌ ut toj takꞌa coxrakeꞌ lix kꞌichilal. Caꞌ jachal qui-el. Qui-ecꞌan li chꞌochꞌ ut eb li sako̱nac quilajeꞌitzꞌeꞌ. Quilajeꞌteli li queꞌmukeꞌ cuiꞌ li camenak ut nabaleb li ti̱queb xchꞌo̱l queꞌcuacli cuiꞌchic chi yoꞌyo.

Aꞌut li Jesús quixjap cuiꞌchic re chi cau ut qui-el xchꞌo̱l.

Ut li capitán rochbeneb li yo̱queb chi cꞌacꞌale̱nc re li Jesús, queꞌrecꞌa li hi̱c ut queꞌxqꞌue retal li cꞌaꞌru yo̱ chi cꞌulma̱nc. Ma̱ cꞌajoꞌ nak queꞌxucuac ut queꞌxye: —Relic chi ya̱l nak li cui̱nk aꞌin tzꞌakal Ralal li Dios.

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Quixye laj Pilato reheb: —Ut, ¿cꞌaꞌ put ru ta̱ru̱k tinba̱nu la̱in riqꞌuin li Jesús, li Cristo nequeꞌxye re?— Ut chixjunileb queꞌxye: —¡Chiqꞌuehekꞌ chiru cruz!— Ut li acuabej quixye reheb: —¿Cꞌaꞌut? ¿Cꞌaꞌru tzꞌakal xma̱c e̱re?— Ut eb aꞌan kꞌaxal cau cuiꞌchic queꞌxjap re chixyebal: —¡Chiqꞌuehekꞌ chiru cruz!