Popular Bible Verses from San Lucas 8

Share

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Ut li iyaj li quinak saꞌ xya̱nk li qꞌuix, aꞌan retalileb li nequeꞌabin re li ra̱tin li Dios. Nequeꞌxpa̱b, abanan incꞌaꞌ nequeꞌqꞌui saꞌ xpa̱ba̱leb xban nak caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, li biomal ut xra̱bal ru li cꞌaꞌak chic re ru. Aꞌan li naramoc lix ya̱lal chiruheb.

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

Ut li Jesús quixye reheb: —¿Cꞌaꞌru xecꞌul? ¿Ma ma̱cꞌaꞌ chic e̱pa̱ba̱l? chan. Cꞌajoꞌ nak qui-oc xcꞌaꞌuxeb ut queꞌxsach xchꞌo̱l. Queꞌxye chi ribileb rib, —¿Chanru nak nequeꞌabin li ikꞌ ut li palau chiru li cui̱nk aꞌin? Ut, ¿chanru nak cuan xcuanquil chixkꞌusbaleb? chanqueb.

Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

Joꞌcan ajcuiꞌ ma̱cꞌaꞌ cuan chi mukmu chi incꞌaꞌ ta ta̱nauma̱nk mokon. Ut li incꞌaꞌ natauman ru anakcuan, ta̱tauma̱nk ru mokon.

Li ixk quixqꞌue retal nak li Jesús naxnau nak xchꞌeꞌ li rakꞌ. Nasicsot xban xxiu li ixk. Saꞌ xchꞌo̱l aꞌan nak ta̱chꞌila̱k xban li Jesús. Quixcuikꞌib rib chiru li Jesús ut quixye re chiruheb chixjunileb li cristian cꞌaꞌut nak quixchꞌeꞌ li rakꞌ. Ut quixye ajcuiꞌ re nak saꞌ ajcuiꞌ li ho̱nal aꞌan xqꞌuira. Li Jesús quixye re: —Kanaꞌ, xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira. Ayu chi sa saꞌ a̱chꞌo̱l, chan.

Eb lix tzolom co̱eb cuan cuiꞌ li Jesús ut queꞌrajsi. Ut queꞌxye re: —At tzolonel, at tzolonel, osocꞌ ke, chanqueb. Ut li Jesús qui-aj ru ut quixkꞌus li ikꞌ ut quixkꞌus li palau ut chꞌanamil quicana. Incꞌaꞌ chic qui-ecꞌan.