Popular Bible Verses from San Lucas 14

Share

—Li ani ta̱raj ta̱ke̱nc cue, tento nak tinixra chi tzꞌakal la̱in chiruheb lix naꞌ xyucuaꞌ, li rixakil ut eb lix cocꞌal, ut eb li rechꞌalal joꞌ ajcuiꞌ lix yuꞌam. Cui incꞌaꞌ tinixra chi tzꞌakal, li jun aꞌan moco us ta chokꞌ intzolom.

Li ani ta̱raj oc chokꞌ intzolom, tento nak tinixta̱ke ut tixcuy xnumsinquil li raylal usta ta̱camsi̱k saꞌ incꞌabaꞌ.

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Joꞌcan ajcuiꞌ la̱ex. Tento te̱cꞌoxla chi us cꞌaꞌru te̱ba̱nu xban nak li ani incꞌaꞌ naraj xcanabanquil li cꞌaꞌru cuan re, li jun aꞌan moco us ta ta̱oc chokꞌ intzolom.

Cui cuan junak e̱re naraj tixyi̱b junak cab najt xteram, ¿ma incꞌaꞌ ta biꞌ ta̱cꞌojla̱k xbe̱n cua chixbirbal rix ma cuan tzꞌakal lix tumin re tixchoy xyi̱banquil li cab? Cui tixqꞌue lix cimiento li cab ut incꞌaꞌ chic ta̱ru̱k xchoybal, chixjunileb li teꞌilok re teꞌxtiquib xseꞌenquil. Ut teꞌxye, —Li cui̱nk aꞌin quixtiquib cablac ut incꞌaꞌ naru xchoybal, chaꞌkeb.

Nak ta̱ba̱nu junak li ninkꞌe, ta̱bok ajcuiꞌ eb li nebaꞌ ut eb li tokol rok rukꞌ, ut eb li ye̱k rok ut eb li mutzꞌ, xban nak eb aꞌan incꞌaꞌ ta̱ru̱k teꞌxqꞌue re̱kaj a̱cue. Abanan li Dios tatrosobtesi ut tixqꞌue re̱kaj a̱cue nak teꞌcuacli̱k cuiꞌchic chi yoꞌyo li ti̱queb xchꞌo̱l, chan li Jesús re.

Li atzꞌam, aꞌan cha̱bil. Abanan cui incꞌaꞌ chic quiꞌ, ma̱cꞌaꞌ chic ta̱oc cuiꞌ. Incꞌaꞌ chic ta̱usa̱k chokꞌ re li chꞌochꞌ, chi moco chokꞌ re li mul. Yal re tzꞌekecꞌ aj chic. Li ani ta̱raj rabinquil li cua̱tin, chixqꞌuehak retal li yo̱quin chixyebal.