Popular Bible Verses from Tito 1

Share

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.

Napande kupwa muka-kukakateya mu lijwi mbe, lije vasa kukulaela, co lilitavasana nakulongesa kwetu. Mu ngila eyi vene akasa kutakamesa vakwavo na vilongesa vya vushunga, nakusholola lalo milonga ya vaje valinakushaula lijwi.

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo, oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

mukulunu wa cikungulukilo napande kupwa wakujeneka mulonga, napande kupwa munalume wa munakazi umolika, co vana vendi vanapande kupwa vaka-kukulaela, kesi vipapoki nambe vaka-kujeneka kwononoka embwe.