Popular Bible Verses from Yowano 15

Share

“Yange mukolovozi wa vinyu, yeni munapu minango. Woshe akala muli yange, co nange njikala muli ikeye, ikeye akaima vushuka vwavungi, omwo mweni lika kumwasa kulinga cuma nacimo cai.

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Nga mukala muli yange na majwi ange akala muli yeni, cuma coshe cimulomba mukacitambula.

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Cizemo cakama manene kutuvakana eci munu asa kukala naco ali vavusamba vendi cikeco kutula mwonyo wendi ali vakevo.

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Eli likelyo lishiko lyange, ngeci lizemeni umo na mukwavo, ngwe omo njamizema.

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

“Yange mukolovozi wa vushunga wa vushuka vwa vinyu, co Tate ikeye ndimi.

Woshe kakala muli yange vakamumbila kuti ngwe munango, co akauma cau, co minango yangacije vaikungiya nakuyumbila mu liko, co yenya.

“Njamileka vyuma evi ngeci kuvwaelela kwange kukale muli yeni, co kuvwaelela kweni kupwe kwamutunu.

Nga mwononoka mashiko ange, mukakala mu cizemo cange, ngwe omo njononoka mashiko a Tate, co njili mu cizemo cendi.

Eli likelyo lishiko lyange, lizemeni umo na mukwavo.

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.