Popular Bible Verses from Hebreos 5

Share

Jaꞌ wan cuybꞌanile yaꞌtaj snaꞌcha eloj laan jaxca tzet chi sloꞌ icham ánima. Yuxan asanne ebꞌ chi cuyon wan tuꞌ otajneni. Yotaj xa ebꞌ tzet utbꞌil chi yun yotajne eloj, bꞌeytet watxꞌ, bꞌeytet man watxꞌoj.

Ilaꞌ, tol peyxa tax jix je yaoc je cꞌul yin Dios. Smoo jaex xa chex cuywa tinaniꞌ, sowalil pax ey junojxa mactxequel oj jex cuyon junelxa yin wan scuybꞌanil Dios cuybꞌilxa je yu yin sbꞌabꞌelal. Caw laan jexto cꞌal jaxca junoj yaliẍ unin, chi tocꞌal txutxwi, junoj cꞌamto chi loꞌon niꞌoj tzettaj yetal caw. Laan wan cuybꞌanile tuꞌ jaxca lech, yuxan quey jex tuꞌ, jaxca cꞌal neneꞌ unin jexto. Jaꞌ wan cuybꞌanile chi alon ey jon, yet watxꞌ chi waꞌxi oc cu bꞌeybꞌal, cꞌam chi naꞌcha el je yu.

Caxcꞌal Cꞌaale yeoc yu Dios, jix cuycha cꞌal el Naj yin jijemal yu jun syaꞌilal jix ecꞌ el yibꞌan Naj tuꞌ. Yu jun tuꞌ jix oc Naj yin tzꞌajanil. Jaꞌ yet jix lawi wan tuꞌ xin, catuꞌ jix akꞌle yopiso Naj yakꞌon kꞌinale yin tobꞌalkꞌinal tet ebꞌ chi jijen tzet chi yalaꞌ.

Jaꞌ yet eecꞌ Jesucristo bꞌey yul yibꞌankꞌinal tiꞌ, jix txali, jix skꞌanon tzettaj yetal tet Dios. Jix txali yin masanil scꞌul, masantaꞌ jix okꞌi. Yutol jaꞌ Dios chi skeꞌ scolwa yin Naj yin scamichal. Catuꞌ jix abꞌle xa Naj Cristo tuꞌ, yutol jix yiꞌey sbꞌa sattaj Dios.