Popular Bible Verses from Hebreos 3

Share

Yet eyto cꞌal jun tiempo tiꞌ jaxca jix yun yalon Naj Santo Espíritu, iptzewej je bꞌa junjun jex yin junjun cꞌu, yet watxꞌ cꞌam chi cawxi je naꞌbꞌal yu junoj spenail chi etnewi.

Che yil cꞌal je bꞌa jex wuẍtaj, jex wanabꞌ, yet watxꞌ cꞌam junoj mactxequel snan je xol, tol cꞌam chi cawbꞌi el snaꞌbꞌal yin Dios iquis cꞌaltaꞌ ecꞌoj.

Yutol ta tecꞌan cꞌal keoc masantaꞌcꞌal slawubꞌal yin tzettaj yetal eyoc yipoj cu cꞌul yet tax jix cu chaꞌon el yich kaon oc cu cꞌul yin, ey kalon ket yetoj Cristo.

man caw oj che yute je naꞌbꞌal jaxca jix yun ebꞌ yet peyxa tuꞌ. Ma sjije ebꞌ tzet chi yal Dios, catuꞌ chi yoche ebꞌ chi yotajne eloj jantaj spenail chi skeꞌ chi yun ebꞌ yet cꞌamto chi jul syaꞌtajilal yibꞌan ebꞌ yu Dios bꞌey jun cusiltaj txꞌotxꞌ tuꞌ.

Jex wuẍtaj, jex wanabꞌ, sicꞌbꞌil jex xa el yu Dios. Jix jex oc can yetoj Dios yutol jaꞌ Dios jix jex awteni. Naꞌwej yin Naj Cristo Jesús. Jaꞌton Naj ẍejabꞌ Dios cꞌal Yaawil yakꞌomal xaambꞌal yin masanil tzettaj yetal chi kaoc yin cu cꞌul.