Popular Bible Verses from Hebreos 13

Share

Man ojabꞌ jaꞌ oj cꞌal yin chꞌen tumin chi kaoc cu naꞌbꞌal cu seyoni. Kakꞌwej tzala cu cꞌul yetoj tzetyetal ey, ey jon. Yutol jix yal Dios jaxca tiꞌ: “Man oj jex jin bꞌejcan an, man oj jex jin bꞌejcan je txꞌojli an,” ẍi cu Mam Dios.

Jaꞌ Jesucristo, jacꞌalaꞌ snaꞌbꞌal, jaxca yet peyxa, quey cꞌal tuꞌ tinaniꞌ, cꞌal yin tobꞌalkꞌinal.

Yuxan, cꞌam chi cu xiw kalon jaxca tiꞌ: Chi colwa Naj Kaawil win an. Cꞌam chin xiw yu junoj tzetyetal chin utele yu junoj ánima an.

Manche to qꞌueycꞌulal ku kunen watxꞌilal, cꞌal cu colwa yin ebꞌ ket animail. Yutol jaꞌ wan tiꞌ, cu saꞌbꞌeal pax tet Dios, caw chi tzala Dios yetoj wan tiꞌ.

Yuxan kalwej watxꞌ kꞌane tet Dios yin Jesucristo yin tobꞌalkꞌinal. Jaꞌ watxꞌ kꞌane chi kal tet Dios yetoj cu tiꞌ, jaꞌton wan tuꞌ cu saꞌbꞌeal tet Dios.

Jaꞌ yet chi kiꞌlen cu bꞌa yetoj ketbꞌi junjun jon, watxꞌ yul sat Dios. Tol asanne ojabꞌ cꞌal yin ketbꞌi junjun jon chi kaoc cu naꞌbꞌal. Yutol jaꞌ mac chi yaoc smul yul skꞌabꞌ yetbꞌi oj akꞌle cuenta ebꞌ yu Dios. Jacꞌalaꞌ ebꞌ tol cꞌamto yetbꞌi.

Cu naꞌwejtej tol chi ojabꞌ kakꞌ sposada ebꞌ chi ecꞌ cu cꞌatan. Yutol ey ebꞌ ánima yet jix yun jaxca tiꞌ jix ẍaꞌ ángel, ma pax yotajne el ebꞌ ta tol ángel ebꞌ chi ẍaꞌ ebꞌ tuꞌ.

Jaꞌ cu Mam Dios, yakꞌomal watxꞌcꞌulal, jaꞌ akꞌnen pitzcꞌu a Naj Kaawil Jesucristo xol ebꞌ camnajxa. Jaꞌ Jesucristo tuꞌ, Kilomal ye jaxca junoj ilom meꞌ. Miman yeloc apnoj Naj. Yu ẍiqꞌuil Naj yuxan jix waꞌxi jun swa kꞌane Dios, jun ey cꞌal yin tobꞌalkꞌinal. Chi woche chi waꞌxi oc je naꞌbꞌal yin masanil tzetyetal watxꞌ yu che yun tzet chi yoche Dios ketoj yin Naj Jesucristo. Catuꞌ jaꞌ chi unen pax kin tzetyetal chi tzala yetoj. Miman ojabꞌ yeloc apnoj Cristo yin tobꞌalkꞌinal. Amén.