Popular Bible Verses from Génesis 50

Share

Jaex tiꞌ, pena tzet jix je naꞌ win an, jaꞌ Jehová jix qꞌuexon jun je pena naꞌbꞌal tuꞌ yin swatxꞌil, yet watxꞌ miman ánima chi colcha eloj, jaꞌton wal lalan kilon tiꞌ.

Catuꞌ jix takꞌwi naj José jaxca tiꞌ: —Cꞌam cꞌal chex xiwi, cꞌam chi skeꞌ waon oc jin bꞌa sqꞌuexeloj Jehová.

Yu jun tuꞌ xin, jaꞌ tinaniꞌ cꞌam chex xiw yu jun tiꞌ, jain oj wakꞌ je loꞌbꞌe yetoj ebꞌ je yuninal, ẍi José tet ebꞌ yuẍtaj tuꞌ. Jaxca tuꞌ jix yun smimancꞌulnele ebꞌ, yuxan caw watxꞌ jix yute kꞌanabꞌ sbꞌa ebꞌ yin camcꞌulal.

Chin oc tean ja win, tol cha wakꞌ mimancꞌulal yibꞌan ebꞌ naj ja wuẍtaj tiꞌ, yu tzetyetal pena jix jaach yute ebꞌ naj, queytuꞌ jix yute yalon can naj. Yu jun tuꞌ, jaon ẍejabꞌ jon cu Diosal yetoj cu mam tuꞌ, chi kal ey jaach tol cha wakꞌ mimancꞌulal kibꞌan jon bꞌey jantaj spenail jix jaach el kuteni, ẍi toj ebꞌ naj. Jaꞌ yet jix yalon ẍejbꞌanil ebꞌ naj chejabꞌwom tuꞌ, catuꞌ jix okꞌa naj José tuꞌ.

Ey jun cꞌual, jix yalon naj José tet ebꞌ yuẍtaj: Janicꞌxane wal tiempo catuꞌ chin cami. Jaꞌ Jehová oj colwa je yetoj, catuꞌ oj jex yiꞌon el bꞌey jun conobꞌ tiꞌ, catuꞌ oj jex yiꞌontoj Jehová bꞌey txꞌotxꞌ txꞌotxꞌ jix stakꞌe can tet naj kichmam Abraham, cꞌal tet cu mam icham Isaac, cꞌal tet cu mam Jacob, ẍi naj José.

Jix lawi tuꞌ, jix yalon can tet ebꞌ yican tuꞌ, tol chi yakꞌ stiꞌ ebꞌ naj tet José, jix yaloni: Wal yel, jaꞌ Jehová oj jul colwa je yetoj. Jaꞌ yet oj yunen jaxca tuꞌ, jaꞌ yet chex too tuꞌ che yiꞌtoj jin mimanil tiꞌ, cꞌam cꞌal che bꞌejcan titiꞌ, ẍi naj José.

Ey 110 abꞌil skꞌinal naj José yet jix cam bꞌey Egipto. Watxꞌ jix yun yoc ambꞌal yin smimanil, catuꞌ jix ale eytoj smimanil naj yul scaẍail.