Popular Bible Verses from Génesis 21

Share

Jaxca yutenaj yalon can Jehová tet ix Sara, tol oj aloj jun yuneꞌ, queyton tuꞌ jix yun yeloc tzet yalnaj canoj.

Jix yabꞌen Jehová yokꞌa naj unin tuꞌ; jix kꞌanabꞌ eytej jun yángel Jehová bꞌey satcan tet ix Agar, jix yaloni: ¿Jaach Agar, tzet chach ioni? Cꞌam chach xiwi, jaꞌ Jehová jix abꞌen yel yaw naj unin bꞌey jix ja wakꞌcan naj tuꞌ. Asiꞌ il naj unin tuꞌ, cha wiꞌon a naj, catuꞌ cha monteni, yutol jaꞌ yin yicꞌaal naj oj pitzcꞌu a jun miman conobꞌ yu Jehová, ẍi jun ángel tuꞌ.

Yu jun tuꞌ, jix yijoc yuneꞌ ix, jix ali jun yuneꞌ ix yet caw icham winajxa naj Abraham tuꞌ. Jix ali naj unin jaxca jix yun yalon can Jehová.

Yu jun tuꞌ jix yalon ix Sara jaxca tiꞌ: Jix jin yakꞌ tzeewoj Jehová; masanil ebꞌ chi abꞌen tol eyxa wuneꞌ, oj tzeewoj ebꞌ wetoj, ẍi ix.

Jix yalon Jehová tet naj Abraham jaxca tiꞌ: Manche tac ja cꞌul yu naj unin tiꞌ, cꞌal yu ix ja wakꞌomal servil tiꞌ. Jije masanil tzet chi yal ix Sara tiꞌ, yutol jaꞌ yin naj Isaac, jatuꞌ oj bꞌey cꞌal stit ja wicꞌaal, jaxca jix yun walon ey jaach.

Jal pax naj yuneꞌ ix ja wakꞌomal servil tiꞌ, jain oj jin waꞌne jun miman conobꞌ yin ebꞌ yicꞌaal naj, yutol ja cꞌaal naj.