Popular Bible Verses from Hechos 11

Share

Jun abꞌil jix eecꞌ ebꞌ yetoj ebꞌ creyente tituꞌ. Jix cuywa ebꞌ tet ebꞌ creyente tuꞌ. Jaꞌ bꞌey jun conobꞌ tuꞌ jix bꞌabꞌi akꞌle yij ebꞌ creyente yin Cristiano.

Jaꞌ yet jix apni, jix yiloni, tol miman swatxꞌcꞌulal Dios jix yakꞌ yibꞌan ebꞌ. Yuxan, caw jix yiꞌ stzalacꞌulal yin ebꞌ, catuꞌ jix cꞌoli yiptzele masanil ebꞌ yu. Jix yalon tet ebꞌ, tol caw tecꞌan cꞌal chi yute sbꞌa ebꞌ, catuꞌ chi yaon cꞌal oc scꞌul ebꞌ tobꞌalkꞌinal yin Naj Kaawil. Queytuꞌ jix yute cuywa sbꞌa naj Bernabé tuꞌ tet ebꞌ, yutol watxꞌ snaꞌbꞌal. Caw eyoc Santo Espíritu yetoj. Caw chi yaoc scꞌul yin Cristo. Yuxan, ecꞌal ebꞌ a conobꞌ tuꞌ jix yaoc scꞌul yin Naj Kaawil yu naj.

Jix yakꞌ Santo Espíritu tet ebꞌ, jaxca jix yute yakꞌon ey jon, yet jix kaon oc Naj Kaawil Jesucristo yin cu cꞌul. Yuxan, ¿tumi oj skeꞌ jin tenon oc tucan tzet chi el yunen Santo Espíritu tuꞌ? ẍi naj Pedro tet ebꞌ. Jaꞌ yet jix yabꞌen wan tiꞌ ebꞌ creyente a Jerusalén tuꞌ, cꞌamxa tzet jix yal ebꞌ. Asanxane tol jix yal watxꞌ kꞌane ebꞌ tet Dios. Jix yal ebꞌ jaxca tiꞌ: —Jaꞌ ebꞌ man Israeloj, ey ebꞌ jix akꞌle snaꞌ sbꞌa scꞌul yu Dios, yet watxꞌ chi ẍaꞌ skꞌinal ebꞌ tol ey cꞌal yin tobꞌalkꞌinal ketoj, ẍi ebꞌ.