Popular Bible Verses from Sandane 15

Share

Yabi faɲin xɔlɔn ɲanma nɛn, koni fala xɔlɛn xɔlɔn fari saan nɛn.

Fe kolonna sɔtɔma Alatala yɛɛragaxun nin, yɛtɛ magodon nan fama binyen na.

Fala faɲin luxi nɛn alo siimaya wudina, koni yanfantenya falan muxun niin nan tɔrɔma.

Maxaditareyaan nan fe yitɔnxine kalama, koni e sɔnɔyama nɛn xa maxadi tiine wuya.

Sɛwan yɛtagini yalanma nɛn, koni nii yifɔrɛn fama bɔɲɛ kalan nan xɔn.

Alatala yɛɛn yiren birin na, a muxu ɲaxine nun muxu faɲine rakɔrɔsima.

A fisa i ndedi sɔtɔ i lu Alatala yɛɛragaxuni, benun i xa nafulu gbeen sɔtɔ kɔntɔfinli.

Muxu bɔɲɛ gbeen yɛngɛn nan nakelima. Koni muxu diɲaxin tan yɛngɛn naxunbelima nɛn.

Tinxin muxuna a mirima nɛn, benun a xa yabin ti, koni muxu ɲaxin fala ɲaxin nan tima han!