Popular Bible Verses from Sandane 10

Share

Nafunla sɔtɔma Alatala barakan nin. A mi tɔrɔya yo sama a fari.

Falan na wuya ayi, hakɛn fan mi ɲanma. Nayi, xaxilimaan nan a dɛɛn suxuma.

Xɔnnantenyaan yɛngɛne nan nakelima, koni xanuntenyaan hakɛne birin nan ɲanma.

Muxun naxanye mi walima, ne yiigelitɔyaan nan xilima, koni muxun naxanye tan walima, ne nafunla nan sɔtɔma.

Muxun naxan a xuru falane ramɛma, na sigan nii rakisin kiraan nan xɔn. Koni, muxun naxan sɔn falama a xa, a mi a suxu, na lɔma ayi nɛn.

Fɛ mi muxun naxan sigati kii ra, na kanna ratangaxi. Koni naxan sigan tima tinxintareyaan kiraan xɔn, na fe makɛnɛnma nɛn.

Alatala yɛɛragaxun muxune siimayaan xɔnkuyama ayi, koni muxu ɲaxine siin ɲanma nɛn sinma.

Alatala mi tinxin muxune luyɛ kamɛn na, koni a muxu ɲaxine fe nataxine kalama.

Foye gbeen nɛɛn fa dangu, muxu ɲaxine bata raxɔri, koni tinxin muxun luma nɛn habadan.