Popular Bible Verses from Dunuɲa Fɔlɔna 49

Share

Manga dunganna mi bama Yuda yii. Muxu yo mi manga taxamasenna bama a yii. Han taxamaseri kanna fa waxatin naxan yi, siyane yi xuru a xa.

“Yusufu luma nɛn alo wudi bogilana naxan tixi xuden dɛ. A yiine yibandunxi taan nabilinna yinna nan xun ma. Xalimakuli wonle yi yɛngɛn gidi a ma xɔlɛni, e xalimakunle woli a ma xɔnnantenyani.

Koni a fan yi a xanla suxu ken, a yii rafan Yaxubaa Ala Sɛnbɛmaan barakani, Isirayila kantanmana, a kantan fanyena, naxan findixi i fafe a Ala ra, naxan i ratangama, Ala Sɛnbɛ Kanna, naxan i barakama, naxan koren dubane fima i ma, naxan bɔxɔn dubane fima i ma, naxan dii bari dubane ragidima i ma.

“Yuda, i xunyɛne i tan nan tantunma. I nɔɔn sɔtɔma nɛn i yaxune xun na. I babaa dii xɛmɛne e xinbi sinma nɛn i xa. Yuda, yata sɛnbɛmaan nan i ra. N ma diina, i baloma suben nan na. I xinbine yidɔxɔma nɛn, i sa alo yatana, alo yata gilɛna, nde susuɛ i rakelɛ?

“Rubɛn, i tan, n ma dii singena, i tan nan n fangan na, naxan singe n sɛnbɛn mayitaxi. I xunnayeren dangu bodene ra i sɛnbɛn gbo. I yɛ yifuxi alo fufana, i mi fisamantenyaan sɔtɔma bayo i bata i sa i baba a saden ma, i yi a xɔsi.”