Popular Bible Verses from Mateu 9

Share

Miꞌi hawyi toꞌe topotmuꞌeria pe -Typyꞌi kahato te yt watiꞌatumuꞌe i te mesuwat yi totiaria katupono ti mikoi ypia iwato kahato wen maꞌato ipotpap mikoi sat atunug hanuaria ti yt typyꞌi hin i e. Miꞌi pote uiwyriaꞌin ewehẽtup to haty wo mekewat mikoi ypia wato Kaꞌiwat pe -Etipoꞌoro ro poꞌog emiit ipotpap mikoi ywa atunug hanuaria eweiꞌe ro e.

Pyno waku eweiwat hawyi eweikatꞌi katꞌi ikuap ehepiat hamuat kat e som mekewat miwan saꞌawyꞌi wuat aimuꞌe hawiat hap e. -Pyno atikyꞌesat wyti miitꞌin woꞌokyꞌe haria wo tukupteꞌen hap katupono eihũria emiium uhepiat hap sese neꞌi yt ehewaku i. Kat pote ariot mesuwe yi kape yt nakuaria i kape. Yt ariot i wyti uito waku rakat e haria kape.

Miꞌi hawyi Iesui haꞌat miitꞌin sem ewowi tepiat iꞌatukyꞌe kahato hap wywo. Tohatyꞌu kahato topyꞌa pe hawyi toꞌe -Taꞌi meimewuaria tukupteꞌen aikotã aihũria Uweiria yt uwe miꞌapykok koꞌi i ewywuaria hoꞌopot pe tukupteꞌen paĩ e.

Maꞌato Iesui tikuap apo iꞌatuꞌe hap hawyi toiꞌatuwesat -Taꞌi uwe ihãite rakaria yt ikat kuap i mohag nug haria maꞌato iꞌahuu rakaria tikat kuap mohag nug haria.

Miꞌi hawyi Iesui toto wuatꞌi tawa koꞌi kape miitꞌin muꞌe tehay wuat hamo. Iꞌewyte yne Tupana motypot yat pe teke iꞌatumuꞌe hamo. Toiꞌatumuꞌe kahato tehay wakuat ete. Iꞌewyte tohenoi henoi kahato toieineꞌen morekuatno hap yt pya i raꞌyn hap etiat. Iꞌewyte toimoehãite kahato torannia aikotã aikotã iꞌahuu rakaria.