Popular Bible Verses from Iruka 1

Share

Kat pote Tupana pe yt kat i hin i niatpo. Taꞌi tutunug kuap yne toꞌe hap ewy.

Miꞌi hawyi Maria toꞌe -He pyno uito Tupana eropat hat areineꞌen e. Miꞌi pote kat som tutunug neran uhepe miꞌi hap ewy aru tutunug yne toꞌe uhepiat hap koꞌi e. Mio tã e hawyi Tupana emiit taꞌaipok iraꞌyn iꞌyatypepyi.

Mio tã e pote atipy kaipywiat tiwesat -Taꞌi Tupana Paꞌãu wakuat wyti aru tuut ewowi hawyi Tupana esaika hap kaipyi ti aru imepytꞌa rakatno ereineꞌen. Miꞌi pote ti aru mekewat hirokat hit Wakuat sese rakat toineꞌen Tupana saꞌyru e.

Taꞌi en ni Tupana mipoityro wo kahato ereineꞌen. Miꞌi pote atimohey kahato uiꞌkaꞌiwat tunug aru toꞌe hap ewy e.

Pyno emepytꞌa hamuat wyti. Miꞌi emepyt wyti aru tuwemoherep ihainia. Miꞌi pe waku etum het Iesui ere. Miꞌi ti aru wakuat sese rakat topyhuꞌat Tupana ywaiti piat ieineꞌen hat Saꞌyru e. Miꞌi ti aru Tupana tunug morekuatno aikotã saꞌawyꞌi wuat morekuat Tawi ewy. Miꞌi ti aru toineꞌen wuatꞌi eꞌat pe Iako saipepiaria porekuatno. Miꞌi ti aru heineꞌen morekuatnuat hap yt karãpe i aru ikahuro.

Miꞌi hawyi Tupana emiit poꞌog toꞌe tope -Yt erekenꞌẽ teiꞌo Maria e katupono Tupana ti tuwehum kahato ewowi e.