Popular Bible Verses from Marcos 11

Share

Mîrîrî ye'nen mîrîrî warantî apanamauya'nîkon sîrîrî. Paapa yarakkîrî eeseurîmakon pe “Innape unesatî kupîiya pe nai,” makatîi. Imu'tunpa pra awanî ya, ikupîiya.

Ayenku'tîuya'nîkon pepîn. “Seeni' wî' yarimakî parau ka,” taaya'nîkon ya Paapa pî', ikupîiya. Tîîse Paapa tîmu'tunpai pra esatîya'nîkon e'pai awanî. Innape ikupîya'nîkon e'pai awanî.

Paapa yarakkîrî eeseurîmakon yai, awinîkîi'nîkon imakui'pî ayonpakon nîkupî'pî wenai teekore'mai aako'mamîkon ya, mîrîrî ku'tî aawanmîra'nîkon. Awinîkîi'nîkon ayonpakon nîkupî'pî imakui'pî kupîya'nîkon ya aawanmîra'nîkon, ayunkon ka' po tîîko'mansenya tîwinîkîi ankupî'pîkon imakui'pî kupî nîrî tîîwanmîra.

Jesusya ta'pî ipî': —Innape Paapa ku'tî.

Mîrîrî tîpo tamî'nawîronkon yenupa'pîiya: —Penaro' Paapa maimu ekareme'nenya Paapa maimu menuka'pî. “Tamî'nawîronkon pemonkonyamî' ton pe epîremanto' yewî' pe uyewî' wanî mîrîrî,” ta'pî Paapaya. Mîrîrî warantî imenuka'pî Paapa maimu ekareme'nenya —ta'pî Jesusya. —Tîîse ama'ye'kon yewî' pe iku'sa'ya'nîkon mîrîrî. Tarî epîremai iipî'san yenku'tîya'nîkon awe'repato'kon ke.

Tiaronkon wîtî'pî irawîrî moropai tiaronkon ite'ma'pî pî'. —Morî pe pu'kuru Paapa man —ta'pî to'ya mararî pra tîwentaimepî'se. —Morî pe pu'kuru man taapai'nîkon Paapa narima'pî pî', Jesus pî'. Mîîkîrî yapurîpai'nîkon —ta'pî to'ya.

—Penaronkon esa' pe Davi nurî'tî wanî'pî warantî upatakon esa' pe mîîkîrî ena kupî sîrîrî uyesa'kon pe. Mîîkîrî yapurîpai'nîkon. “Morî pe pu'kuru man,” taapai'nîkon. Morî pe pu'kuru Paapa man taa ka' po tîîko'mansenonya e'pai awanî —ta'pî to'ya.