Popular Bible Verses from Apocalipse 4

Share

'Ga muorywauwe wĩti kwaturu 'wyria'ri 'gã wããpyramũ Okoeteete ma'e 'ga rowase, Aejararete 'ga rowase. Eae'yi ma'e 'gã 'ga muorywauwe 'gã nanẽ 'ga muorypa nũ: “Ene te 'ã eneresage oree. Ene te 'ã pãjẽretea. A'eramũ ore ene etee imuorypa. Ene te 'ã mama'ea ereapo rakue. Nitywi futari eneremiapoe'ema. Ejemifutar imũ etee 'ã ene mama'e apou. A'eramũ 'ã ore ene etee ene muorywi”, 'jau 'gã wããpyramũ oje'ega 'ga upe. Wakagyrũa 'gã imososoka imonou inuga 'ga rowase, 'ga muorypawamũ.

Aipoa eae'yi ma'ea kwaiwete ipepokaga ipir are, seis ipepokaga. Aipo jywa nanẽ ea moyka nũ. Jarejuwarete 'ga upe amaraka'aga. Wojere'emamũ futat 'gã 'upa amaraka'aga. “Esage te 'ã Janeruwarete 'ga. Pãjẽretea te 'ã 'ga. Mama'e jararetea te 'ã 'ga. Ymã we te 'ã 'ga rekoi rakue. 'Awamũ 'ã 'ga rekoi. Anure nanẽ nipo 'ga rekoi je. Okoeteete ma'e 'ga futat”, 'jau 'upa amaraka'aga Jarejuwarete 'ga upe.

Tejeupe aipo 'epaw ire je amuteea ete esaka nũ. 'Okwara rawopytymo'woga je esaka ywag ipe. Pe awi 'ga amũ oje'ega jee: —Ere ejua 'au ejeupia je pyri. Anure mama'ea ijeaporama taesaukat enee 'jau— 'jau 'ga jee. Jumi'aranũũ fu 'jawe 'ga wafukaita jee. Je upe oje'eg ypy ma'efera 'ga futat oje'egu'japa jee nũ.