Popular Bible Verses from Mak 11

Share

Dastawe mi talem long yufala ya, wea taem yufala prea an ask fo enisamting, yufala mas biliv olsem yufala garem samting ya finis nao, an bae God hemi save givim fo yufala nomoa ya.

Ya, mi talem yufala tru samting nao, sapos wanfala man hemi no garem tufala tingting bat hemi biliv wea wanem hemi talem hemi save kamtru, bae hemi save talem go long hil ya olsem, ‘Yu getap an jam go long solwata ya.’ An bae disfala samting ya hemi mas kamtru nao.

An taem yufala stanap an prea, sapos yufala kros long eniwan, yufala mas fogivim hem fastaem. Sapos olsem nao, bae Dadi blong yufala long heven hemi save fogivim olketa ravis samting wea yufala duim tu.”

Nao Jisas hemi sei long olketa, “Yufala mas biliv long God nomoa.

Bihaen, hemi tisim olketa pipol olsem, “Toktok blong God insaet long Buktambu hemi sei, ‘Haos blong mi ya bae olketa kolem hem haos blong evri kantri long wol fo prea long hem.’ !Bat yufala ya, yufala mekem haos ya fo kamap olsem ples wea olketa pipol hu i save stil olketa save haed long hem ya!”

Nao olketa pipol hu i wakabaot fastaem an olketa hu i ka-kam bihaen long Jisas, olketa go-gohed fo singaot olsem, “!Preisim God! !God, yu blesim disfala man ya hu hemi kam long nem blong yu!

!God blesim disfala man wea bae hemi kamap King olsem olo blong mifala Deved! !Preisim God long heven!”