Popular Bible Verses from Matiu 7

Share

Nao Jisas hemi sei moa, “Yufala mas askem God fo olketa samting, an bae hemi givim long yufala. An yufala mas kam long God fo lukaotem olketa samting, an bae yufala save faendem. An yufala mas kam noknok long doa blong God, an bae hemi openem fo yufala.

Bikos eniwan hu hemi askem God fo enisamting, bae God hemi givim long hem, an eniwan hu hemi kam long God fo lukaotem enisamting, bae hemi save faendem, an eniwan hu hemi noknok long doa blong God, bae God hemi openem doa fo hem.

Jisas hemi sei moa, “Eniwan hu hemi herem toktok blong mi an hemi duim wanem mi talem, hemi olsem wanfala man hu hemi garem gudfala tingting. Taem hemi wakem haos blong hem, hemi mekem faondesin wea hemi stanap strong antap long bikfala ston insaet long graon.

“Wanem yufala laekem olketa nara pipol fo duim long yufala, hem tu yufala mas duim long olketa. Diswan nao hemi mining blong Lo blong Mosis an tising blong olketa profet.

Bat geit wea hemi smolfala nomoa an rod wea hemi had fo go long hem, hem nao hemi go kasem tru laef an hemi no plande pipol nao wea olketa faendem.”

“Yufala mas go insaet long disfala smolfala geit, bikos geit wea hemi bikfala tumas an rod wea hemi isi tumas fo go long hem, hem nao hemi go kasem long hel an plande pipol nao olketa go-go falom.

Nomata yufala nogud olsem wanem, yufala save givim olketa gudfala samting long olketa pikinini blong yufala. So Dadi blong yufala long heven wea hemi gud tumas winim evriwan, bae hemi givim plande gudfala samting long eniwan hu hemi askem hem.

An Jisas hemi sei moa, “Yufala mas no jajem nara man, nogud bae God hemi jajem yufala tu, bikos wei wea yufala jajem nara man, bae God hemi jajem yufala long hem tu ya. An watkaen lo yufala yusim fo jajem nara man, bae God hemi yusim diswan tu fo jajem yufala long hem.

Bat eniwan hu hemi herem toktok blong mi an hemi nating duim wanem mi talem, hemi olsem wanfala man hu hemi nating garem eni gudfala tingting. Taem hemi wakem haos blong hem, hemi stanemap haos antap long sanbis nomoa.

“?Waswe nao yu lukim wanfala smol pisgraon wea hemi stap long ae blong brata blong yu, bat yu ya, yu nating filim nomoa bikfala pisgraon wea hemi stap long ae blong yu seleva? An hao nao yu save talem olsem long brata blong yu, ‘Ei, letem mi tekemaot disfala smol pisgraon from ae blong yu ya.’ Bat yu ya, disfala bikfala pisgraon nao hemi stap long ae blong yu seleva.

An Jisas hemi sei moa, “Yufala mas lukaot long olketa laea profet. Long aotsaet, olketa luk olsem gudfala sipsip, bat long insaet long tingting blong olketa, olketa barava olsem wael dog nomoa. Bat bae yufala save luksave long olketa ya, long olketa samting wea olketa duim. Bikos yumi no save faendem frut blong grep tri o frut blong fig tri long olketa ravis tri olobaot.

Gudfala tri hemi garem gudfala frut ya, bat ravis tri hemi garem ravis frut nomoa.

Gudfala tri hemi no save garem ravis frut, an ravis tri hemi no save garem gudfala frut.

An evri tri wea hemi no garem gudfala frut, olketa mas katemdaon an torowem go insaet long faea.