Popular Bible Verses from Luk 11

Share

Nomata yufala nogud olsem wanem, yufala save givim olketa gudfala samting long olketa pikinini blong yufala nomoa. So Dadi blong yufala long heven wea hemi winim evriwan nao, bae hemi givim Holi Spirit long eniwan hu askem hem.”

“So mi talem yufala moa, yufala mas askem God fo olketa samting, an bae hemi givim long yufala. An yufala mas kam long God fo lukaotem olketa samting, an bae yufala faendem. An yufala mas kam noknok long doa blong God, an bae hemi openem fo yufala.

Bikos eniwan hu hemi askem God fo enisamting, bae God hemi givim long hem, an eniwan hu hemi kam long God fo lukaotem enisamting, bae hemi save faendem, an eniwan hu hemi noknok long doa blong God, bae God hemi openem doa fo hem.

So Jisas hemi sei, “Taem yufala prea, yufala tok olsem, ‘Dadi blong mifala, nem blong yu nao hemi mas stap bikfala. Yu mekem kingdom blong yu fo kam.

Yu fogivim mifala long olketa sin blong mifala, bikos mifala tu fogivim evriwan hu i duim olketa ravis samting long mifala. Plis, yu no letem enikaen samting fo kam traem mifala.’”

Yu givim kam kaikai wea hemi fitim mifala fo evri de.

Ae blong yu nao hemi mekem bodi blong yu fo garem laet. So sapos ae blong yu hemi gud, bae bodi blong yu hemi laet tu ya. Bat sapos ae blong yu hemi nogud, bae bodi blong yu hemi tudak tu.

An Jisas hemi sei moa, “Taem eniwan hemi laetem kam wanfala lam, hemi no save putum long ples wea hemi staphaed o andanit long dis. !Nomoa ya! Hemi mas putum antap long barava ples blong hem nao, mekem olketa pipol wea olketa kam insaet long haos ya olketa save lukim laet blong hem ya.