Popular Bible Verses from Jemes 2

Share

Wei fo biliv hemi olsem tu. Sapos man hemi biliv nating nomoa an hemi no duim eni gudfala samting, diskaen biliv hemi dae finis ya.

Bodi wea hemi no garem spirit long hem, hemi dae finis. Long sem wei, sapos man hemi biliv nating nomoa an hemi no duim eni gudfala samting, diskaen biliv hemi dae finis tu.

Olketa Kristin fren blong mi, nogud eniwan hemi talem hemi biliv long God, bat hemi nating duim nomoa eni gudfala samting fo somaot biliv blong hem. Diskaen biliv ya hemi no save sevem hem.

Mi save, yufala biliv dat wanfala God nomoa hemi stap, an diswan hemi gud ya. Bat olketa devol tu olketa bilivim semsamting, an dastawe nao olketa fraet an seksek.

Maet wanfala man hemi sei, “Samfala man biliv nomoa long God, an samfala moa i duim olketa gudfala samting.” Sapos hemi olsem, yufala som kam long mi, hao nao eniwan save biliv long God sapos hemi no duim eni gudfala samting. Mi nao bae mi som long yufala dat olketa gudfala samting mi duim hemi somaot mi biliv long God.

Sapos yufala no sore an kaen long eniwan, God bae hemi no sore an kaen long yufala tu. Bat man hu hemi save sore an kaen long olketa nara pipol, hemi no nid fo fraetem panis blong God.

So yufala lukim, man hemi save stret long ae blong God from olketa gudfala samting hemi duim, an i no long biliv nating nomoa.

Yufala luksave nao dat Ebraham hemi biliv long God an hemi duim gudfala samting. An disfala gud samting wea hemi duim, hem nao somaot strongfala biliv blong hem.